我 , 係咪一個學生時代既贏家 ?: 女神篇 Part 1.

「沒有歌～怎敢說心事～受了傷～始終怕別人知.........」
「牛奶哥....喂....」
「緊抱你～抱緊的只得空氣～明知得不到你～何必再要記起.........」
「喂牛奶.....到我唱未呀...」
「時間過了～走了～愛情面臨選擇～妳冷了～倦了～我哭了～離開時的不快樂～妳用卡片手寫著～有些愛只給到這～真的痛了..........」
「喂屌你呀奶哥，你有無聽我講野呀！？」軒仔係我手中搶走左支咪
當時，係家琪離開我既第一個星期，仍然係暑假途中，我搵左軒仔兩支公陪我唱K，
唔可以話係陪我唱，因為比我霸住無份唱[sosad] 
「Er.........哦......你岩先講乜....？」咁突然發生係我身上，我接受唔到，無論身心都處於一個行屍走肉既狀態
「阿傑哥，你咁撚樣唔得掂架啵」軒仔見到我成個樣殘撚到仆街，隻眼好似打唔開咁


「呀....？咩唔得掂...？我幾好呀.....」把聲好撚低沉
「你好條春咩，你照下你自己，又唔剃鬚，個頭又亂，隻眼又打唔開，講野又沉，不過我唔知點解你唱果陣咁好聲啦下」軒仔捉住我照鏡，睇返又真係幾撚亂，衰過Ｄ生意失敗，艾朗連農死老豆樣咁，
「哦......」正想拎返支咪繼續唱
「屌你咪撚唱住，我認真咁問一句，你....係咪仲掛住佢？」
「...................................」我答唔到，因為我思考緊.........
當時我個腦無限咁Loop我同家琪相處既日子..........
淚水不禁開始流出，
「係....我係掛住佢.......嗚..........」我單手掩面細細聲喊
「屌你男人老狗喊乜鬼.....」
「佢電話又Cut左....嗚...Facebook又刪埋...去到佢屋企禁門鐘又無人應...嗚...我而家唔知點算好呀！！」


「嗚.....嗚......」作為一個男人，我喊得咁勁，係有原因架，所以唔好恥笑我#adore# 
「唉....My Friend...何必要為一條女搞到自己咁呢」拍一拍我膊頭
「你睇下我，以前咪又係衰左係女神手上，而家仲好過以前，穎琪不知幾正～」
「所以話，女仔女還在，下個更可愛呀，兄弟！」手指指向部電視，正在播緊張學友既吻別
「時間可以沖淡一切，唔好放係心到，黎！傑哥，繼續唱！繼續飲！！」
係Ｋ房經過左幾個鐘頭既狂歡，我既心情終於略略有Ｄ平靜，
當同軒仔分路揚鑣返屋企果陣，佢同我講左句
「傑哥，唔好做傻事，家琪知既話會傷心，遲早有一日，佢會返黎搵你」
「哼....含撚啦你！」
「咁咪似返以前既牛奶嚕！」



呢一晚，我同軒仔慎哂苦之後，的確第二朝精神左好多，似返個人，不過我仍然依舊掛念家琪，
或許我會有一日，真係撞返佢。
到左某一日，我撞到一個女仔，佢...同我同月同日生，呢一日，係9月4號，
「屌你奶哥飲杯！！！」水貨佬捉住我同佢互隊
「喂咪撚飲住啦，狗哥未到呀！！」阿鴨試圖阻止我地
「條戇鳩去左邊呀，快Ｄ啦，就黎１２點啦」我等到唔耐煩
「我打比佢問下係邊先！」耀文正想拎起部電話果陣
「呯！」大力既開門聲「哎！Sorry！遲到添！唔撚好意思！！」狗哥到步了
「你去撚左邊呀？」
「屌岩先入錯房，入到去大聲嗌生日快樂啦，點知嗌左Ｄ人好High，原來無個識，先知入錯房！」
（以下省略無數對狗哥既恥笑聲）
「等陣先，隔離房都有人生日咩，同我同月同日啵！」
「係呀屌，好似女黎，仲幾正添架！」
「係咪呀！？」我行左過隔離門口望


「呀....又幾正啵.......哎...等陣先！做乜呢條仆街仔咁熟口熟面既喂！！」我自言自語
「哎.....................」我同某個男人互望，而佢都好似認得出我
「呀！！文西！！！」我指住某個男人，其實係我小學同學文西 (詳細請看人物介紹Ｒ２)
「哎..............呀！！！傑仔！！」文西慢慢係人群中行黎，房入面成班人啤住我地兩個
「喂好耐無見啦！文西！！柒左啵」
「屌你啦，係咪又係咁柒，哈哈哈哈哈」兩個男人係到互相嘲諷
「你係到做乜野呀？」文西問
「今日我生日呀屌你，隔離房成班Friend係到！」
「屌係啵，今日你生日啵，我呢邊又有個靚女生日」
「哎！係咩，邊個呀？」
「拿，唱緊歌果個呀！」文西指住佢
由於間房太暗，我呢到微微解釋下我第一次見佢既印象，
呢條女仔身穿恤衫，灰色開胸冷衫，熱褲，但我睇唔到係咩顏色，
而成間房得４條女，３條仔，其中兩個真係柒到不得了
「幾靚女wo衰仔，介紹我識呀喂！」


「佢叫Wandy，同我同班既，聽講真係拍過一次拖，不過真係好高，無記錯仲過我半個頭」
「喂文西到你唱啦！！」房入面某個人叫
「哎，終於到我啦！喂唔傾住，電話聯絡！」
「走啦衰仔.....」
呢個時候我係房門塊玻璃遠望住Wandy，心諗「哼....呢個機會...應該不是屬於我的」
於事返房繼續返癲；

好啦，飲到癲癲下，梗係去個廁所放下水啦，亦都當我行出廁所經過隔離文西間房果陣，
Wandy行左出黎，「哎....機會到啦牛奶傑！！！！」
「Er.....你好！」諗返起當時我好似幾怕怕羞羞咁打招呼
「你好！」Wandy以微笑黎回應我，
「我係文西小學同學黎，我今.......」我未講完
「我知呀！你今日都係生日呀嘛」
「哈哈，咁都比你估到！」
「嘿～文西同我講左啦！估唔到咁有緣會係到撞到同一個地方慶祝生日」


「哈哈又係WO，不如你比.....」我都未講完，又比佢Cut
「我唔講啦，我要返屋企啦，屋企人膽心我太晏返去」
「哦....咁小心D啦....Bye～」
「Bye....傑仔...嘿！」Wandy回眸一笑就快步走左
「我都未講完～點解你唔比電話我！！？:~( 」我望住Wandy既背影漸漸消失.......
而我轉頭入隔離房正想搵文西拎Wandy電話，佢ｄ朋友話佢神早走左，屌～
不過當年既吹生日蛋糕果陣，我許左個願望：我希望可以撞返Wandy，
的確，願望真係實現。