我 , 係咪一個學生時代既贏家 ?: 青梅竹馬篇 Part 23.

如果我無記錯既話，那一天，係我最後一次同佢上床，
所有野我同家琪既互動，都係最後一次，可以話係生離死別。
咁我就由頭開始講起，果一日正直係暑假中，係８月１號，我老死耀文生日。
「難道沒練習太耐～感覺都追不回來～試圖再～努力愛～也顯得不自在～不懂得...」
鈴聲響起，係開心打比我，
「喂點呀Happy仔！」
「喂～牛奶哥！好耐無聽過你把聲啦啵～近排點呀！？」
「咪又係咁過，成個暑假都搵唔到工，係屋企鳩過算」
「咁岩啦～我大佬耀文哥生日誠邀你同你條女去BBQ」
「Em..........我黎就無問題，不過家琪就可能......」


「我信你架啵奶仔！阿嫂黎Ｍ所以燥左少少姐！哄下無事架啦」
「乜有Ｍ會黎成個月架咩？」
「..................................我唔撚理啦，總知你出現就得啦下，今晚ＸＸＸＸ等。」
成個暑假都係屋企過，自從果次嘈交之後，都有成個星期無同家琪聯絡，話哂都老死生日，帶條女去先似返Ｄ樣，所以，我打左比家琪。
「DO...DODODO....DODODO......DODODO......咔！你好，我係家琪，我而家唔係太得閒，請你留低口信啦～嘿！」無人聽.....飛左去留言信箱
「算....自己一個去，廢撚事哂口水」
「呯～呯～」呢個時候，我老豆拍門叫我
「點呀老豆？」
「喂！阿仔！呢排唔見你帶新抱入黎食飯既喂，嘈交呀？」
「唉....老豆，唔好問啦好嘛」


「一世人兩父子有乜唔怕講啵！」「呯！」關門聲
「總知就嘈撚左交啦，無野好講」
「為乜嘈交先？衰仔！你老豆都成日同你老母嘈架啦！你唔好咁搞到無左個新抱呀」
「唉唔撚知呀屌～出去啦！！！」
「哎也你個仆街仔.....」我老豆比我趕左出去
此時此刻，我攤左係張床到，開始對住天花版既巴哥思考，
「我......？係咪為屌閪而追？」
「我......？係咪真係鍾意家琪？」
「我......？係咪帶壞左家琪？」
「我.......................................」


因為諗左好耐，訓撚著左[sosad] 
「難道沒練習太耐～感覺都追不回來～試圖再～努力愛～也顯得不自在～不懂得...」
電話又響，原來係阿鴨
「喂........？」未訓醒，所以好撚細聲
「喂！！！！！牛奶仔！！！！你係邊呀！！？？我地等緊你一個呀！！！！」
差Ｄ唔記得今晚約左佢地，即時醒神左！
「喂！梳，岩先訓著左，家陣出黎！等我！！！」
二話不說，Ｃｕｔ線沖涼換衫跑出去同佢地會合。
轉眼間，我已經同佢地會合左，一共十二個人，男女六打五局面，
由於耀文真係生得幾可愛，所以吸引左５個女仔黎陪佢過生日，
我都唔多插咀，因為耀文生日佢話點就點，就去左唱通頂Ｋ。
「我和你吻別在狂亂的夜～我的心等著迎接傷悲........」
「WOW～～～～～～～～」
「屌你唱得好撚難聽呀～～」
「飲啦仆街！！！！！」


「如今這算甚麼～你是否非他不嫁～當選了是他～我認輸～都不可怕.....」
「屌你老母～Wooooooooooooooooooooooooh～」
「銀河為一！的秘密～公廁裹頭！含柒！！！！」
極度煩躁既聲音，充滿整個Ｋ房，我無唱歌，只係一個人係到飲酒，
望住佢地癲，望佢軒仔同穎琪兩個情投意合唱首「七年」，
不禁偷笑，不過呢個時候，我拎出電話隨意一禁，有成六七個未接來電－家琪，
留言信箱有成三四封，心諗「Holy Shit！！！！」，
開始行出Ｋ房，正準備打電話既時候，
飲到醉一醉既狗哥走埋黎攬鳩我，
「飲啦仆街！！！！！」
「喂屌你咪搞我住，搵人捉走佢，屌你老母好撚酒未呀喂，屌你！！！」
「飲呀...................！」
「屌你！！死開呀喂！！！」
聽到我求救聲既Happy仔同阿鴨立即抬走狗哥，我終於甩身，
「牛奶你去邊呀？」半醉既耀文問


「廁所呀！」
「你條撚樣係咪腎虧架，又去！？」狗哥屌鳩我[sosad] 
終於，我行到出黎打過電話比家琪，
「Do...DoDoDo....」響左一陣
「喂.......」我聽得出，佢當時係喊緊，哭腔黎聽
「喂！做乜事呀，你做乜喊？」
「嗚.....我好掛住你.......」
「我都好掛住你！咁你係邊呀喂！？我而家過黎搵你！！」
「我係....嗚....嗚....我係...ＸＸＸＸ」
「得！你等我呀！唔好喊啦！」
我一支箭咁衝左出Ｋ店，衝向家琪既所在地。