我 , 係咪一個學生時代既贏家 ?: 青梅竹馬篇 Part 14.

轉眼間，我同家琪已經到左尖沙咀，時間係6點30分，

其實已經好撚柒多人，不過唔緊要，最緊要睇到煙花就得，

但去既途中，見到果３條粉腸帶住３條女，不過我係唔會妒忌架，因為我已經有家琪，

大前題我地到步果陣仲早，所以兜左陣尖沙咀，無乜野好睇[banghead] 

不過都要填飽個肚先既，搵左間放題食左餐勁既，



時間10點00分，岩岩好，行去維港，搵個靚位睇煙花，再黎個世紀之吻:P 

「喂～傑呀！行快Ｄ啦，無位啦！」佢拖住我猛咁拉

「得啦得啦，唔好行咁快呀，睇路呀。」

以我記憶黎講，我既視線望住佢果陣，睇得出，佢係好開心，笑住口咁拉住我，

而我，亦都好開心，



畢竟可能第一次以情侶身份出黎過新年，前果幾年，我地都係成班人出黎睇，

「................6！5！4！3............」

「2！」 「家琪，新既一年，比我每天愛你多一些！」 

「1！」 「你話架！我唔準你離開我！！」

無視係我地身傍既路人，黎一次世紀之吻。「Happy New Year！！！」



「家琪，Happy New Year」

「傑，Happy New Year」

再一次當身邊既路人無到，黎一次新年之吻。

我相信呢一吻，係我人生最有意義既一吻，比之後我同其他女朋友KISS更奇怪，呢種感覺，唔係用文字可以解釋得到。

亦都令我知道，當時我腦海中，係唔可以無左家琪，無佢...無我！令我更愛家琪。

狂歡過後，大家都拎住部電話Wts同朋友講新年快樂，

唯獨我地手拖手，互相對視對方，而呢個時候，我又有一個諗法，

不如，請家琪今晚黎我屋企.........



「家琪，今晚唔好走，黎我屋企過夜......得唔得？」

的確，我開左口問，

而答覆............................