我 , 係咪一個學生時代既贏家 ?: 青梅竹馬篇 Part 6.

時間下午４：３０分，我既心情......好撚緊張！！！！

話哂第一次咁有節日氣紛同家琪出街，之前都係食下閒飯傾下計就返屋企，

「哈哈哈哈哈哈哈哈哈，好撚柒緊張呀，哈哈哈哈哈」

我.....緊張到傻撚左。不過我亦挽回自己既理智，

上網研究下去邊好，食乜好，只不過我打左句今晚食乜好，但唔知點解會彈左句問下你伯母。



好，我打比我老母...................戇鳩！！

時間下午５：１５分，心情：暫時平穩

Gel頭Gel左我半盒Gel，終於搞掂個靚仔頭，

因為今日唔多凍，十零度左右，所以求奇著得靚仔就得，

再對住塊鏡望下自己，



「嗯.....有些少似松本潤 [[slick]]  」

望一望個時間，足夠我慢慢行去家琪屋企樓下，順便打過電話比粉腸話我同家琪唔去

「喂狗哥～今晚我同家琪唔黎啦，你地屌得....呀唔係，玩得開心Ｄ啦下」

「屌你屌你屌你屌你屌你屌你老母陳庭佳陳庭佳～」

「你慢慢屌陳庭佳啦下，Ｂｙｅ鳩」



「噢～噢噢～我比碌蕉你..........」我Cut左線

時間下午５：５０分，心情：登陸太陽

唔好問點解登陸太陽，不過你問得我實答你，

話說我行過去果陣，事關Ｄ樹太雜太多，造成個某個行人路位變得暗左，

加上又係夜晚，所以好撚暗，

我見到一對情侶係到打Ka輪，嘩屌你！暗少少姐，唔洗申哂脷咁，

咁我擺埋張床係到你仲得了既，ＯＫ！我快速閃走

「豁　豁出去　前行漫無邊際」



時間下午６：００，心情：無限kissy kissy kissy kissy

我終於行到家琪屋企樓下，原來佢早左５分鐘已經落到黎 [:P]  

先解釋下佢既衣裝先，唔同學校咁紮條邊，而係將頭髮放哂落黎，

著住一條灰色長裙配一對５ｃｍ高踭鞋，再加件藍色冷衫（好似係，唔多記得），

又化左些少淡妝。佢既樣子再加上清純既打扮真係連阿叔都話靚 [#good#]  

「嘩！今日著得咁靚呀家琪！ [#love#]  」

「靚咩....好普通姐.....」呢句相當細聲，佢塊面有Ｄ紅，本身我以為妝黎，原來怕羞 [@_@]  



呢個時候，無錯，正當我想講行果陣，佢無行，我另轉頭，

佢既樣子顯示出好似有Ｄ不滿，跟手申隻手出黎

心諗「Ｏ～Ｓｈｉｔ！」

無錯，家琪係叫我拖住佢，差ｄ唔記得今日唔係食閒飯，係有目的

講真，呢次係咁多年黎第一次咁有節日識拖住佢，

以前都係拖住佢唔係為左避阿sir跑走或者追車之外都無乜點拖

「你隻手好暖 [^3^]  」

「我隻手梗係暖啦，家陣行得未呀小姐 [:D]  」



「行嚕！」家琪金魚咀咁講 [[sosad]]  

可能因為高踭鞋既關係，行得比較慢，

由我拖住佢變佢Cool住我，

所以，我地慢慢前往目的地