我 , 係咪一個學生時代既贏家 ?: 青梅竹馬篇 Part 2.

「呯！」大大力既開門聲，就係我既專利。

「O～梳呢呀阿sir～岩先行返黎果陣架地鐵瀨屎所以搞到遲到哦～」無錯，我係一個好識刷鞋既人，

首先講下我間學校先，我呢間咁既垃圾係無靚女Miss架！

差唔多個個都戇戇鳩鳩咁，而我呢年既班主任，應該係我覺得全校最好阿Sir，

佢就就係朱Sir，身高米八幾，不過就係衰在係個樣到，因為佢係方型面。



「衰仔一返學就遲到，咁你座返埋位啦，跟No.座啵。」

No.17，唔錯，我幾鍾意，

當我座返埋位果陣，其實我已經Feel到我隔離果位乜水，

無錯，介紹下佢先，佢叫阿琪，我由小學二年班識佢，比佢見到我第一次帶眼鏡 [:o)]  

生得唔高，米五幾左右，包包面，幾有肉地，笑果陣又幾甜



算一個較中上級既女仔，

講返先，由小學到而家除左From 1之外果年都係同班，

有時我會諗，究竟係我同你只係巧合，定係我同你真係咁有緣，

一對就對左十幾年，先唔講同班。

但都唔洗一齊座左八九年呀嘩！？



「喂阿傑，點解又係你架！」阿琪一拳打落我手臂到

「喂好痛呀大姐，唔好問點解，因為我都唔知！」我申手「Me」佢塊包包面 [[slick]]  

「你睇下，我換左部電話靚唔靚？ [^3^] 」阿琪偷偷地拎左部電話出黎

「WOW！有錢人，男朋友送架？ [#hehe#]  」我隻手指一路指住部電話一路郁

「我用Ｄ暑期工錢黎架 ，同埋我邊有男朋友 [:-[] 」又打多我一獲 [:~(]  

「梳梳梳，唔好打，唔好打面！靠塊面搵食架吶！」

係阿琪打我既同時，因為我同佢係座靠窗果行既中間，所以周圍既同學都望住我地開始鬧

軒仔：「屌佢條粉腸年年都係咁，問佢地係咪拍拖又唔撚認！」



女同學Ａ：「牛奶同琪琪又打情罵哨 [#ng#] ！ 」

女同學Ｂ：「佢地又幾襯 [^3^]  」

狗哥：「人黎，拉佢出去掩多獲！」狗哥又開始佢最鍾意既即興話劇，

男同學Ａ同Ｂ：「噢！！！！！！！」響應狗哥既即興話劇。

耀文：「。。。。。。。。。。為何這機會不是屬於我的？」

朱Sir：「你兩個要打情罵哨等小息先好搞呀！」阿sir佢笑笑口咁講，Feel到佢好似幾幸福，當我地仔女咁 [[sosad]]  

阿Sir講完之後，阿琪終於肯停，仲三七面咁望住我笑左下



我心諗「做咩姐你！？」

接住朱Sir講埋D同派埋一大輪垃圾野之後，到最撚麻煩既環節。

相信大家肯定會做過，亦都會覺得做呢樣野同奶屎上身無分別，

就係選班長啦.....