開花結果: 第一章 (旅遊套票)

第一章
 
「喂，呀一，記得一陣去旅行社呀，唔係冇晒機位酒店，去唔成就唔關我事呀。」Johnny 邊走邊說。
 
「你放心，我緊張過你，Misa 話過要住個間酒店我一定會 book 到既。我同你講，今次我係 - 志 - 在 - 必 - 得！」
 
Johnny 獨自回公司，而我就去旅行社買套票，準備一個月後跟女神的日本之旅。
 
先介紹一下我自己，我姓甘，叫做田一。唔好笑，呢個係真名（我都想唔係），老豆既解釋係年少時非常沉迷橫溝正史既堆理小說，當有左我既時候，佢第一時間想起就係金田一呢個名。其實老豆呢個解釋我係明白同接受，無奈呢個名令我由中學比人笑到而家。今年我 32歲，係一間日本公司做 marketing executive. Johnny 係我公司同事，負責內部跟單既工作，所以 lunch 完佢要準時返公司，而我就可以扮見客去訂機票同酒店。
 


對上一次拍拖已經係 3年前，呢幾年感情一片空白，我個人一向抱著寧缺勿濫既心態。直至上年入左呢間公司見到 Misa，我就決定一定要追到佢。Misa 係我個日藉經理既秘書，大概 165cm 高，女生來說算非常適中。身材苗條，總之應有既有，唔應該有既就冇，長髮剛剛過膊頭。第一天上班時見到她，就已經被她吸引住。雪紡恤衫，黑色百摺短裙，黑色絲襪加上高踭鞋。百分百就是我喜歡的類型。
 
因為同一部門既關係，同Misa 愈來愈熟，平時會出街睇戲食飯，但又未到拍拖階段。應該屬於個種友達之上，戀人未滿既關係。希望今次旅行可以滿左佢！今次係兩對人去，Johnny 同佢既台灣女朋友小紀加我地兩個。
 
去到東瀛遊搵返幫我跟開個四眼哥哥，四眼哥哥一見到我就很熱情的招呼我坐低等等。他熟練的包裝好文件交給客人，道別後就走過來跟我說：「你好甘生，之前電話你想要間酒店冇房呀，或者會唔會住第二區？或者池袋其實都幾方便呀。」
 
我即時心往下沉：「唔得，我一定要住新宿，一定要住南悅。」因為我記得Misa 同我講過佢覺得新宿最方便，而南口個邊又比較商業區，冇咁雜。作為第一次同 Misa 旅行，如果連佢少少要求都滿足唔到，我咪好冇用！在我幾經堅持，語氣強硬如霸氣蝗客一樣的轟炸下。四眼哥哥終於不負所望，不知從那裡幫我找到兩間房間。我臉色即時放援，態度頓時變回高貴港人。付了錢就拎著文件離開，一出店門就急不及待致電 Misa.
 
「Misa? 我攪掂晒旅行 d 野，book 左你想住個間 southern tower.」
 


「好野！個間酒店都幾 full 架，仲諗住要轉過第二間。」
 
你唔早講，我仲驚 book 唔到呢間你唔肯去。呢句當然只是心諗冇講出口。「好啦，我而家返黎公司，你快 d 做野，記住今晚睇Paranormal Activity呀。」
 
 
回到公司，先跟 Johnny 說套票已訂，他望一望我，再望向 Misa, 跟著向我做了一個竪起母指的樣衰表情。覆了一會兒 email, 望著Misa 的絲襪美腿發一會呆（Misa 就坐我隔離行既前兩個位，我地個partition 只係隔著一條通道。）, 無驚無險又到 5:30。我地睇 7:45，預埋食飯個半鐘，就算6點先走都仲夠時間。我當然想早一點走，但呢個世界就係咁，明明放工時間係 5:30，但如果你夠膽準時走的話，全世界都會用責備既眼神望住你。當然當中會夾雜幾個劉建明見到陳永仁被革走時既眼神。
 
好唔容易等到 6 點，Misa 將放在左邊大脾的右腿放下，我即時將投向她下半身既視線往上移，冇錯，呢個係我在公司的最大樂趣，在她舉腳放腳之時，往往會看到內褲的邊邊。我好肯肯定咁講，一定好睇過一陣個套Paranormal Activity.
 
她向我打個眼色，做了一個 okay 的手勢，於是我就若無其事的起身熄芒走人。其實公司入面除左 Johnny 之外，冇人知道我對 Misa 有意思，在其他人面前，我都非常低調，對Misa 都是愛理不理的態度，因為怕比公司班口痕友知道大唱特唱，明明友達之上都會變做友達未滿。