短談《Taken3 救參96小時3》

短談Taken3 救參96小時3

到底全盛時期既Liam Neeson要救幾多次參呢？
由Taken1救到Taken3，而且有套Non Stop。聽講佢仲有套A Walk Among the Tombstones，又係要救參既，佢真係好唔得閒。

今日我要短談既係Taken3。依照一般既慣例，續集係唔會有第一集咁好睇。呢套Taken3都唔例外。第一集Kim Mills即係救參神人既女就比人綁架左。咁佢逐D逐D搵到線索，然後同時間競賽，每次都好似差D救到個女咁。咁樣keep住個緊張氣氛之餘，又可以有懸疑同查案戲睇，呢D勾子(hook)先勾到人專心睇落去呀嘛。

但去到第二集，查案同懸疑已經少左。不過佢條橋係由個弱小既女出發，跟住老豆既指示，一步一步咁令自己脫險。呢個都算係一個睇頭。雖然個女脫左險之後都係要比番Liam Neeson出黎chok下，打下人，又比人打下咁。係就係冇咁緊張刺激架啦，不過都算係咁啦，冇理由一個冇受過訓練既女仔可以無啦啦變做打女既。

黎到第三集，佢既劇情就係：Hey Bryan。砰砰砰。啪啪啪。轟隆。砰砰砰。I got him。砰砰砰。砰砰砰。Dad！！I'm fine. I'm fine。砰砰砰。Dad！！完。電影最好睇既地方係佢會牽動人既情緒，令人有所感受。往往震撼人心既唔係大堆頭既打鬥同特技，而係角色間既感情。





第一集，Liam Neeson由一開始去個女既生日party，至到佢比人綁架，Liam Neeson係幾咁心痛，幾咁有感情。懸疑，查案，除左係引人入勝既劇情之外，仲可以帶出人既感情。而第三集呢？感情戲同懸疑真係好少，淨係不停既追逐同打鬥。根本就感受唔到主角有幾愛佢前妻同個女。咁點令觀眾睇完之後有感覺呢？

BTW，睇戲睇全套，我一定唔會話Taken3係垃圾唔好睇。只不過佢比唔到更多觀眾想睇既野啫。(我仍然建議大家可以一睇)

P.S.Liam Neeson都咁大年紀啦(好似)，睇見佢仲要咁跑黎跑去，打打殺殺，真係替佢辛苦呀……(但係佢既戲我會繼續睇XD)