《又一城。生存戰》: 《後記》

 長七萬五千多字嘅《又一城。生存戰》終於都要完結啦，如果同其他故仔比較嘅話，我呢一個故根本只係一個短編小說。但係對我呢講卻係一個超長嘅故仔，畢竟我第一個故只係得一萬三千幾字。而且呢一個故，亦都算係了結咗我一個心願，因為我由細細個就已經想寫一個屬於自己嘅喪屍故。
 
唯一感到遺憾嘅就係係第一個post已經有支持我嘅巴絲打未能同我一齊走到結局。係呢度我要特別多謝“有時候”巴打同“我最愛我男神”絲打。前者係我第一個讀者，後者一直都鼓勵我同支持我。我亦都要多謝所有有份參與投票嘅讀者，因為無你地就無阿欣同阿bi呢兩個角色。至於新post方面我都要多謝“我識條春”“外國鮑““高登熊仔”巴打，多謝你地一直以來嘅支持。

  我估你地最想知既一定係故事有冇續集同前傳，而答案係有嘅。不過我都講過，寫呢一類故真係好傷神，所以續集應該唔會咁快可以同大家見面。正如我個名一樣，我一向好響往成為一個小說家，所以我亦都會繼續寫小說。至於題材方面，我會揀一啲較為輕鬆嘅故事。

  我亦都希望你地可以講下覺得呢個故仔點，中意嘅話歡迎去我Facebook page 讚好以示支持。最後我要多謝所以嘅讀者們，因為你地我先會有動力去寫呢個故。多謝你地唔嫌我出文慢，從來無放棄過我。無你地就無我，多謝你地！

  讀者們，我地有緣再會。



FB Link: 小說家