《又一城。生存戰》: 第二十二章《再遇》
『咁睇呢結論就只有一個，係我地七個之中，有一個。。。就係指揮官！』阿哥說道。然而眾人都安靜了。
『點解？』我問道。
『如果唔係嘅話佢地邊有可能第一時間知道我地諗緊咩？呢度係中央室所以一定唔會有閉路電視，唯一嘅可能性就係內鬼通水。』
『但係佢地點解要咁傻？咁做就即係間接話比我地知我地七個裏面有內鬼，咁對佢地有咩好處？我地只要慢慢咁查每一個人就好容易搵到邊個最有可疑，之後我地就可以威脅佢地，咁樣會唔會太容易？容易到好奇怪。』我說。
『但係你覺得如果我地真係搵到佢，我地又有冇能力打低佢？我可以同你講無啊鋒係度根本就無可能。我地依家就好似困獸鬥一樣，被人玩緊你都仲唔知！』阿哥卻突然間失控起來。
『你係度嘈咩啫？係唔鐘意聽下人意見，永遠都係自己諗乜就係乜，啱啱就係因為你唔肯聽人講就搞到人死咗，你開心啦！』我反擊起來。
『你係咪又要拎返呢講啊？』
『咁我又有冇講錯啊？你自己諗下啦！』
『如果唔係我救你你會可以係度可以同我講野？』情緒已經蓋過了他的理性。
『你唔撚好打橫呢講，中五果陣唔係我保你你會有今日！？』中學時期我們的確一起經歷了不少事情。
『你係要想當年啊嘛？好！你記唔記得你中一果陣。。。』
『呯！嘈撚完未啊？係咪仲嫌我地未夠衰啊？』CT突然的拍了一拍檯，我怎也想不到平時像毒撚的他竟然會有這般的霸氣。他現在的舉動也令我想起肥波和啊怡在廁所內吵架的時候。CT待我們各自都平伏了心情後繼續說道。
『其實點解你地認定咗指揮官只有一個？』對於這個突如其來的疑問我們眾人也不能即時想到答案。
『你地就係俾呢樣野規限咗，我覺得指揮官唔只得一個半個。剩係靠一個人就想打柒我成隊也未免太自大同太冒險。最保守嘅做法就係裏應外合，咁樣我地一定死。加上恐怖分子可以整到咁勁嘅生化武器就一定有極高嘅科技同知識，仲用閉路電視未顯得佢地好廢咁？如果你真係要查我地，咁只會晒自己時間。我地依家要做嘅野唔係起度鬧交，而係去搵果個叫肥波嘅人，直覺話我知真相就係佢度。』CT的智商突然高出了十倍，也擔當起首領的角色。
『終於都有人講返啲係人講嘅野啦。』我不禁的冷嘲啊哥一番。啊欣也立刻拉著了我，示意我不要再搞事。
『啊健上校你去搵一樓至三樓，至於四至五交比啊bi同呢兩位反恐隊員，六至七由啊兩同啊欣去，我會留係度睇住同埋開門比你地，暗號係兩下兩下咁拍，我會順便睇下有冇可能修復到啲錄影帶。仲有我起locker搵到四部保安果啲對講機，你地每組一部，可以比你地互相照應，同埋一搵到肥波果陣可以即刻通知大家。如果無問題嘅就依家出發啦，我等你地好消息。』CT交下命令。啊哥第一時間拿起對講機然後出發，我也立刻拉了啊欣出去。
『行咁快做咩喎？』啊欣問。
『我地無咩時間啦。』其實我是不想輸給啊哥，我要比他快一步完成任務，我要證明我比他優秀。我們到了門口的升降機，可幸的是裹面便沒有喪屍。我按下了六樓，門也隨即閉上。
『你可唔可以同你啊哥好好咁相處啊？知唔知你地嗌交好煩嫁？既然係兩兄弟就應該互相照顧而唔係攻擊，知道未？』啊欣跟我說。
『得啦得啦。』我根本聽不入耳。
『如果俾我見到你地又嗌交你知下場會係點嫁何？』她握實了拳頭對我說。
『知道喇，一定唔會有下次。』我又再次屈服在她的暴力之下。
『乖。』她摸了摸我的頭。
『仲有除咗搵肥波之外你記得要搵埋我爺爺啊。』她說。
『輝伯啊嘛，我知道喇。』假如她不提起我也差點忘記了這件事，希望待會不會看到他的屍體吧。
在六樓搜找了約三間鋪頭卻空手而回，至於喪屍方面有我啊欣已經不成問題。其實嚴格來說有啊欣已經不用再擔心什麼。我們走進了《G2000》便開始了調查，但一走進了不夠十秒鐘我便察覺到有不妥。隨了我們兩人之外還有其他人的腳步聲，我們沿著聲音走去，漸漸的我們到了男裝部的位置，聲音也愈來愈近，突然間。
『呼！』我聽到一陣強風正往我的頭部衝來，我立刻拉著啊欣和自己向下躲。
『呯！』在我們頭上的是一把匕首，而且它狠狠的插進了牆入面，還要非常深，普通人不可能投出這般強而有力的力量，除非是他。。。
『嗨，好耐無見。』是一把熟悉的聲音。我一邊伸手去拿槍一邊投頭確認腳踏步聲的主人身份。
果然是他，是個久違了的樣子。
『係，真係好耐無見。不過今次我唔會再俾你走！』我舉起槍説道。
『今次唔係你死就係我亡！』
時間：07:45 AM，距離遊戲結束尚餘50小時25分鐘。
生存人數：711
成員名單：
肥波（不明）
啊富（不明）
啊怡（死亡）
啊輝（死亡）
周杰倫（被閹）
文（死亡）
武（健在）
雙（死亡）
全（死亡）
啊欣（健在）
啊bi（健在）
CT(健在)
啊哥（健在）
啊鋒（不明）
喪屍品種：
感染者
狂暴者
自爆牛
半人半喪