《又一城。生存戰》: 第十一章《劫後餘生》

『咦！條友好似醒啦喎。』是一把年輕男人的聲音。
 
『你點啊？個頭仲好痛啊？』一名女子說道，她的聲音⋯很甜。

  『水…我要水⋯』我的喉嚨很乾，令我不能説話。

  『快啲攞水呢啦！』女子在吩咐男子。

  『但係呢支係最後一枝啦喎…』男子在自言自語。





  『拎呢啦！』女子搶過水樽後把水倒進我口?，喉嚨也終於重生了。

  瞪開眼睛後在我眼前出現的是一名貌美如花的女子，估計她只有十九至二十歲，長頭髮，粉紅色的小嘴，頗大的胸部，白滑的長腿，濃厚的體香，簡直是女神般的存在。美中不足的是小腿略微粗獷，那些明顯的是肌肉，由此可見她是一個運動形的人，起碼不會是個負累。她比啊琪好十倍左右，可惜現在並不是溝女的時間。在她右邊的是名身型瘦削的男子，看起來像個大學生，應該跟那名女子是非常友好的朋友。而我現在身處的是蘋果店，可笑的是這裏一名蘋果員工也沒有。

  『我叫啊亮。』我跟他們報以一個善良的微笑，看來他們是我的救命恩人。

  『叫我啊欣啦，你個頭點啊？仲痛唔痛？』女子問我。正當我想回答時卻被旁邊的男子搶答了，

  『睇佢個樣咁精神就知佢無事啦，by the way 我叫啊bi，城大學生，多多指教。』





  『其實你地係邊到發現我？我周圍又有冇咩人？有冇見到過又高又肥嘅人？』我需要肥波。

  『我地係溜冰場發現你咖，本來我地諗住去果度睇下拎唔拎到物資，點知去到物資就見唔到，剩係見到啲死人。原來諗住走咖啦，但係見到你好似仲有呼吸未死得住所以咪救起你囉，不過你個頭流咗好多血啊，我已經盡量幫你止咗血啦，嘿嘿。』不知為何她好像很喜歡笑。

  『你周圍剩係得啲住西裝嘅人囉，不過佢地死晒啦⋯』說到這裡她露出一個傷感的表情。

  『至於肥佬我又未見過喎。』

  『真係好多謝你地救咗我。』我衷心的感謝他們。





  『你多謝啊bi啦，係佢揹你返呢咖。』

  『睇唔出你又真係幾重咖喎，揹到我成身汗。』啊bi說。

  『係你弱啫，嘿嘿。』

  『食屎啦妳。』

  『靚女唔痾屎咖。』

  『妳係靚女咩？』

  『唔通你係呀？』

  不知為何看到他們大吵大鬥並沒有感到任何煩躁，反而卻感到溫暖，也許是我太耐沒有感受正常的生活吧，也或許是…我太泠血吧。





  『喂早晨啊。咦條友醒咗啦？我叫CT，電腦高手一個，l4d神手，多多指教。』一名身型跟啊bi一樣但卻散發著神秘感的人說道。

  『佢叫啊亮。』啊欣已經自動幫我答了。

  『其實你地有冇咩計劃？有冇諗住搶物資定係同其他人合作之類？』我當然需要知道接下來要做什麼，但卻沒有半點回應。同樣是班群龍無首的人，同樣的需要一名首領，同樣的我加入了他們。

  『嚦咕嚦咕⋯』是某人的肚子發出的聲音。

  『哈哈⋯sorry啊係我。』啊欣說道。

  『其實我地已經無晒食物，都餓咗成日啦，最後枝水仲要被你飲埋⋯』

  『唔緊要，我識人係超市《taste》，果度大把野食。』他們一聽到我這樣說雙眼立刻變得明亮。





  『但係你地要有心理準備，有得必有失，由呢度去超市話近唔近話遠唔遠，你地細心啲睇就可以見到側邊亦有幾隻狂暴者，出去其實好危險，之不過留係度只有死路一條。自古以來原地踏步者只會自取滅亡。你地要記住出得去就唔好諗住返呢，咁樣你地永遠都去唔到目的地。廢話少講，有邊個去？』我問。

  『我！』想不到竟然會是啊欣率先回答。

  『我又去！』我開始懷疑啊bi是否啊欣的觀音兵。

  眾人的目光亦理所當然的投向CT，

  『我⋯梗係去啦，你睇下呢度啱啱好三男一女，十足l4d一樣，一定好好玩。』

  『好快你就知真人版係幾刺激同埋⋯殘酷。』我說。

  啊bi不知從那?拿到了些木棍出來，有武器總好過赤手空拳。但不知為何我心裏突然出現一憂慮，希望周杰倫會履行承諾吧！現在我已不能理會太多，能到達超市才算。

  『各位手足，我地上！』我踢開大門，迎面而來的是一埸生存試煉，也是一埸死亡遊戲。





時間：9:23 AM，距離遊戲結束尚餘73小時27分鐘。

生存人數：2001

成員名單：
肥波（不明）
啊富（不明）
啊怡（死亡）
啊輝（死亡）
周杰倫（健在）
文（死亡）
武（健在）
雙（健在）
全（死亡）




啊欣（健在）
啊bi(健在)
CT(健在)

喪屍品種：
感染者
狂暴者
自爆牛