《又一城。生存戰》: 第七章《意外》

用了約十分鐘後我終於到達了廁所的走廊，迎面而來的是一個熟悉的面孔。

  『啊琪…』已經喪屍化的她看到我後便立即紅了眼的衝過來！但我卻沒有逃走的意欲。

  『啊琪，其實妳真係一個好好嘅女仔，可以同到妳一齊係我嘅福份，希望下世都可以同妳做情侶，我愛妳。』啊琪她捉緊了我之後再想咬我的頸部，但她的力氣卻太少了，我輕鬆的捉住了她的頭部，不知為何我忍不住往她的額頭吻去，然後我便使用公主抱的方式把她抱起，慢慢地走到欄杆旁，把她放下去，這應該會是最舒服的方式死去吧。

  『安息吧。』

  送別啊琪後我便走進廁所，?面的情況令我大吃一驚。





  『啊怡！！！』在我眼前的她倒在一灘血上，腹部被插了約十多刀。究竟是那人這麼變態殘殺了她。突然我從地面看到了個黑影，我立刻轉身拿起斧頭準備迎戰。在我面前出現的是一個身穿全黑衣服的人，而他臉上戴上了一個《奪命狂呼》的鬼臉面具，拿著小刀的他跟電影中的殺手一模一樣。他立刻衝了過來，但在廁所中斧頭的殺傷力比小刀大得多。我把斧頭揮向他但他卻向前一滾，不但躲過了我的攻擊而且還想直插我的中路！沒有選擇的我立刻從腰間拿出手槍指向他，而他亦被我的舉動嚇到。

  『你究竟係邊撚個，係咪你殺咗啊怡？』

  『呢個遊戲開始愈來愈好玩啦，哈⋯哈…』黑衣人答道，說罷他立刻離開了廁所並把門迅速關上。但當我想追上前時已經太遲了，他還把我反鎖在廁所內。

  『早知我就開槍射尻佢啦屌。』可惜抱怨已經太遲，我現在被困了，如果用斧頭強行把門打爛的話只會引來更多喪屍，到時門開了也沒有用，只會被喪屍活生生的咬死，我現在只有死路一條。我呆坐在地上直至門外突然發出聲音。

  『呯！』廁所門被應聲打開。





  『呯！』廁所門再次被關上。

  我投頭一看發現是肥波，有救了！

  『啊亮好彩你未死⋯呼⋯啊怡佢…』肥波問道。

  『定啲呢，做咩成頭大汗咁？』

  『出面突然間有成班著黑衫嘅癲佬周圍殺人，佢地入咗呢間餐廳，一見到人就斬，我冧咗兩個之後就頂唔住走咗，跑返上呢廁所。』





  『佢地係咪戴著個鬼臉面具？』

  『有兩個係，仲要好揪得，應該受過專業訓練。』

  『咁依家至少有三個鬼臉人，啱啱有一個想殺我，不過被我嚇走咗，佢應該就係殺啊怡嘅兇手，呢個仇我一定會報！話時話佢地啱啱有冇見到你走入呢廁所？』

  『無，因為我地打打下突然有屍群介入，佢地應該忙著打喪屍，所以唔會得閒理我，咁我地依家應該點？』

  『《Log－On》會係我地最後希望，但係依家出面風頭火勢，我地暫時都係匿係廁所先，比啲時間我諗下要點做。點都好我最後一定會殺唒啲鬼臉人！』我握實拳頭的説。
  黑衣人究竟是何方神聖？為何見人就殺？是恐怖分子嗎？反恐又會否阻止他們？我腦海中存有極多疑問。經歷了一個忙碌的下午後，我終於擋不住睡魔的攻擊，不自覺的睡著了。

  不知過了多久後我被主持人的聲音喚醒，但我卻有著非常不安的預感⋯

  『大家早晨啊！估唔到一日就已經死剩五千幾人，果然唔錯。為咗獎勵你地我將會係每日嘅早晚十二點及下午六點進行物資派發，物資箱將會空降落溜冰場。至於?面有乜就唔話你地知，你地搶到就自然會知啦。除此之外，我又有新玩具比你地玩。我稱佢地為狂暴者，佢地比普通喪屍更強更喪，佢地會追住你九條街都唔放，所以我建議見到佢地就迎戰打啦。如果被佢地咬到嘅話亦都會變成佢地。比啲提示你地啦，所有狂暴者隻眼都會發出藍光，敬請留意。』





  以現在的情報看，物資爭奪戰將會是屬於團隊性的鬥爭，像我們這般弱的隊伍根本不能光明正大的跟別人鬥，要贏就要出奇制勝。我預料這場比賽將會是黑衣人和反恐部隊的正面交鋒戰，但反恐的贏面絕對比黑衣人大，至少他們的武器及人數已佔優，而主持人又再次說話。

  『同埋我知道咗似乎有人想企圖破壞遊戲規矩，竟然試圖救人，跟著落呢我會懲罰佢地，請記住任何想壞遊戲規矩或試圖反抗我嘅人下場將會非常痛苦，就好似佢地依家咁。』說罷，商場正門出現了一個新的貨櫃，貨櫃裏的是一頭極大隻的牛，體積比普通的牛大三倍，體內散發出紅色的光，體外卻佈滿盔甲。牠一踏出貨櫃門後便拔足狂奔，而牠跑向的正正是反恐基地—《Log－On》的位置…
 
時間：7:05 AM，距離遊戲結束尚餘99小時55分鐘。

生存人數：5317

成員名單：

肥波（健在）
啊富（不明）
啊怡（死亡）
啊輝（死亡）





喪屍品種：
感染者
狂暴者
狂牛？