《又一城。生存戰》: 第一章《遊戲開始》

 『聽講周杰倫今日會去又一城做宣傳喎，阿亮你可唔可以陪我去？』我女友阿琪同我講。
 
 『無所謂啦。』我心諗我有得選擇嗎？死追星族。

  不過萬萬估唔到呢一個係我一生做得最錯嘅決定。

  果然周杰倫真係去了又一城，導致人山人海。

  『喂！阿琪好逼啊不如走啦。』一切卻已經太遲了。





  『大家好！難得今日咁多人不如同大家玩個遊戲呢，不過玩輸咗嘅話⋯會死架，哈哈哈⋯』這位主持人説的這番話不禁令人感到毛骨悚然。

  『條友係咪痴線架。』

  『快D搵人靜佢音啦。』

  『戇鳩先信你。』

  這種反應好正常，主持人開的這個玩笑也未免太過火了。





  主持人又再次說話：『你地唔信唔緊要，好快你地就會知道呢個遊戲係真嘅。而且遊戲好簡單，主要及唯一任務就係生存，而贏家只能有4個。咪話我唔比機會你準備啦，5分鐘後遊戲將會正式開始。』

  『阿亮，你覺得會唔會係真架？我好驚⋯』

  我由商場落地玻璃向外看，發現商場出面竟然空無一人，而且還有數十架軍用直升機從遠處飛來。除此之外也有約100架軍車從陸路前來。能出動如此大規模的軍隊，看來遊戲是真的可能性極大。還有今次的遊戲有可能是由政府支持的，要不然這樣巨型的軍隊怎能隨便出動。

  『睇呢係真嘅可能性好大，呢度太多人啦，再留係度會好危險。捉實我隻手唔好走散。』

  果然不出我所料，在短短10秒後就已經出現人踩人事件。大量人流嘗試走出商埸，結果造成慘劇，保守估計死傷人數至少有1000人，慘叫聲音亦叫人感到恐怖。身處在最頂層的我根本無法離開商場，唯一可以做的就是跑到人流較少的地方。





我們最後成功走進一間叫「Hair」的理髮店。

  『先生請問有冇話要指定邊位髮型師呢？』

  『依家風頭火勢你仲問我呢D野？你醒未呀？』

  『吓？先生你唔係真係信條友講嘅嘛？』

  正一死白痴，呢種人根本不值得生存在世上。

 『好啦時間已到，為咗加快遊戲進度我會派D工具呢幫你地。而且遊戲亦有時限，若果5日後生存人數多過4個人嘅話，我地將會炸毀又一城，你地每個都將會係輸家。所以想贏嘅話就要把握時間啦。』

  好陰險，為遊戲設時限只會令生存者互相殘殺，遊戲主辦單位的做法實在是太殘忍及泯滅人性。

  『跟住，我就會介紹我D工具，我稱佢地為喪屍。佢地真係喪架，見人就咬，唔小心被佢咬到嘅話就會變成佢地。睇黎佢地已經差唔多準備好啦，遊戲好快就會開始。』





  直升機及軍車已經將商場重重包圍，正門亦被一個貨櫃擋住。

  『隆…隆⋯』突然貨櫃門被打開。貨櫃裏的喪屍瘋湧而上，在大門附近的人亦自然首當其衝。我隱約看到不少人亦不願面對現實，還設法打電話報警。情況就好像社會一樣，不願面對現實的人下場就只有一個，就是死！

  可幸的是我現在身處於頂層，喪屍最少要用5分鐘先會上到來，依家就只有和時間競賽。觀察過這間理髮店後，我決定離開。因為用玻璃造的正門太易被打碎，而且空間太廣闊，容易被人發現。自問沒有跑得比保特快又沒有葉問那麼好打的我唯一選擇就是走，而戲院將會是一個很好的匿藏位子。

  『應該仲趕得切。』但願如此。

  『好啦各位參賽者，遊戲正式開始，祝你地好運！哈哈哈⋯』

 時間：12：00 PM，距離遊戲結束尚餘120小時。

參賽人數：18013

我要⋯活下去，成為最後的4人！