(真正完結)《時光能夠重新來一遍...》: 七，失控飯局
鏡頭一轉，我們在學校附近的商場裡。
現在的狀況是這樣的，譚倩怡走在最前方，陳芷欣一直在她身旁急步跟上。而我就走在她們身後。沿路她們倆一直在輕聲聊天，從來對我不瞅不睬...
我跟隨她們的腳步走，直到終於找到家看起來令她們滿意的食肆。
「就食呢間啦，有冇問題啊？」譚倩怡指著我們面前的這家店舖說。
「譚仔...我唔食得辣啊。」陳芷欣搖搖頭地說。
「怕咩喎，可以嗌走辣架嘛低能～」
「咁你呢負心漢？你有冇意見？」譚倩怡態度突然一百八十度地轉變望著我。
「冇...你地話事。」說著我領先她們走進譚仔。
剛剛好找到空座安頓，連椅子也沒坐暖，譚倩怡便跟招呼我們的侍應落單「腐皮蘿蔔魚蛋米線，4小辣走青，再跟多杯凍檸茶唔該！」
侍應小姐點點頭，手忙個不停的在小記事本上抄寫著。
「咁請問另外兩位食咩？」侍應小姐問道。
老實說，我沒記錯的話，我可是很討厭吃譚仔...因為...我不懂得吃辣。
侍應問後良久，我看過餐牌後馬上想應聲回應，怎料...
「火腿牛腩米 2小辣 跟可樂。」我相對著侍應說。
「火腿牛腩米 2小辣 跟可樂。」陳芷欣說。
我們不約而同一起道出...連侍應小姐都嚇一跳。
「嗚哇！連口味都一模一樣，仲要咁夾！」譚倩怡掩著嘴巴偷笑。
聽到我也說出同一樣的話，陳芷欣馬上低下頭，臉紅紅...而我也覺得很不好意思。
之後侍應小姐離開後，我就跟那兩個女生坦言。
「點？有咩想講啊兩位同學。」
「好心你唔好咁冷淡啦！芷欣唔敢再對住你架啦！」譚倩怡說。
我眼尾瞄一瞄陳芷欣「我咪話左，我同你地唔熟。」
正在低頭把玩手機的陳芷欣也突然停下來，抬起頭看著我說「阿曉...點解你可以變左另外一個人咁...」
「我最後講多次，如果你地係認識撞車前既我，咁請當冇識過我啦。因為我對你地既事真係一D印象都冇。」
「飲品到，凍檸茶邊位架?」
「呢邊啊唔該。」譚倩怡舉舉手。
「可樂係兩位既，多謝哂。」侍應再次轉身離去。
把吸管放進口「咁點解你唔可以當重新黎過？」伴隨"咕嚕"聲喝可樂的陳芷欣說道。
「咪係囉！」譚倩怡大聲附和。
「冇錯啊。而家我就係好努力咁重新黎過，既然失左憶，不如索性唔再接觸舊事...」
「我知你講緊大話...你根本仲記得我。只係你因為之前我冇啦啦嗌分手而嬲我...」陳芷欣她喝了幾口可樂。
「而家既我...我唔想再拍拖。呢個答案滿意未？」
聽到我的坦言，陳芷欣好像彷彿中了槍...整個人情緒開始愈來愈憂鬱。
之後陳芷欣繼續道「我真係知錯啦...點解要咁樣對我姐...」開始想哭的樣子。
「如果撞車之前既我做錯事對你唔住既話，咁好對唔住。不過請唔好再煩住我，我情願...單身。」
「張澤曉！你唔好再講啦！睇唔到阿欣又想喊啦咩！你仲想辜負佢對你既心意幾多次啊！」譚倩怡開始安撫陳芷欣。
此時，侍應小姐又來傳食物。
「4小辣米，兩碗2小辣米。」
話畢侍應第三度消失了。
我突然站起來，對著她們說「Sorry，呢餐飯我唔食。我擺低20蚊係到。」
最後一去不返離開譚仔。
她們就一臉不可思議地目送我。
每當一個人在餐廳用膳後，都是帶著滿足開心的表情離開餐廳。不過，就只有我一臉悲嘆的離去。我對於這兩年間發生過的事毫無頭緒，突如其來的跑了一個女朋友出來、老實說我不太能接受到。因為我對她...一點好感也沒有。
而另一方面，在譚仔內...
「忍住唔好喊得咁大聲啊！」譚倩怡遞上紙巾。
「我真係...好軟弱...少少野就...就...喊到咁...」陳芷欣俺著臉。
譚倩怡看著?上的那碗沒人享用的米線「個負心漢真係...講又唔聽！重要擺低得個二十蚊就走，食霸王餐咩而家！」
「我地走啦...幫佢比住錢先...」陳芷欣低聲說道。
譚倩怡揮揮手「埋單啊唔該！」
鏡頭回到這邊...
我漫無目的在商場裡遊逛，我走在人來人往的橫巷裡。左手邊的商戶有那個Nike Shop，大快活、而右手邊則有什麼味千拉麵和通利琴行。
剛才又發神經突然跑掉了，還要一點東西也沒吃就拋下二十元...救命...
我餓著肚皮，走到燈飾非常吸引眼睛的琴行外面。
「低音吉他...兩千幾蚊？...用金做架？貴到癡線。」
話畢我留意到琴行的店員彷彿聽到我的批評，一臉不滿的凝視住我。我馬上別過頭繼續看其他樂器。
「小提琴...」
忽然間，有股似曾相識的感覺衝擊腦袋...
「呃啊啊！...個頭就黎...裂開...」我又再次頭痛，捉住額頭。
腦海裡閃現了一段畫面...
「點解啊！點解要分手啊？係咪我做錯D咩...」
「我好累...」
「唉仲諗住讓個小提琴比你～你居然咁講野...」
「讓比你唔係唔得，不過要刻翻句野係琴身喎。」
這個是...什麼...
在我腦海裡出現的，究竟是什麼...
頭痛不久，有一把聲音緊接痛楚的離去出現。
「你...唔記得左同我約定好D咩啦...？」
「邊..邊個...」我在旁人眼中可能是個對著玻璃窗自言自語的瘋子。
「你啊...你講過D咩...咁快冇左件事...？」
「你講緊咩...」我別過頭繼續在商場邊走邊輕聲說。
忽然，聲音又再次從我耳窩消失。
「癡線。幻聽又嚴重左...哈哈...」我自嘲。
接著我離開商場之後...
「叮」一聲，Whatsapp清澈鈴聲響起了。
我打開Whatsapp，發現有個名稱為「身份不明」四字的人傳送信息給我。
「身份不明...？我幾時有Save個咁低能既連絡人...」我吐糟自己。
我望著瑩光幕顯示
< 未讀，身份不明 : 你唔係話會更加愛佢，更加關心佢，更加保護佢咩？>
下啊？！
我目瞪口呆地看著這段信息，心想
這是什麼他媽爛電話騙案...
兩秒之後，「叮~」再次響起
< 身份不明 : 你就騙案！你呃左我啊！>
我何時有騙你...還有你是誰？
「叮~」<咁快唔記得左我啊？>
有人聽到我心裡的想法...？
「叮~」<咁善忘既你，同學。>
「邊個講野啊究竟！」我始終忍不住侵擾的聲音。
「叮~」< 睇黎我好似落重手左...搞到你唔只喪失記憶?時間長左重要性格都變到咁狂躁...唉。 >
我選擇繼續對著空氣說話「點解你會聽到我講既野？」
「叮~」< 無謂野唔講啦。我之前都未詳細同你講我想送比你既一種能力係咩。 >
「喂等陣啊，你講緊乜啊咩能力啊？」
「叮~」 < 如果，當你遇上一D問題嚴重、無可救藥既情況既話... >
「癡線。」我離開對話，準備想按封鎖鍵...
「叮~」< 你可以，改變過去、改變...時光。>
我覺得這個神秘電話號碼傳送過來的信息簡直天荒夜談。
「癡線有病翻青山啦！」我大罵。
街上附近的人也留意到我的呼喝。
「叮~」< 你唔信啊？合埋隻眼三秒啊。 >
「真係癡鬼線我居然同個三唔識七既人whatsapp咁耐...」
話畢我就封鎖了這個對話及刪除。
良久，我回歸了到現實、在街上的一個平凡中學生跟空氣對罵，繼續步往學校。
怎料，在轉角的馬路口又遇上她們...
「重唔比我搵到你！負心漢！」