其實我真係好想同你做埋最後一次愛: 起床

翌日上午，一覺醒來，還是要先撥一通電話給我可愛的學生，但昨天與林Sir約會，弄得我這個早上也朝氣全無。
 
「喂？」我仍帶著睡意道。
 
「喂？」他也像呢喃般回應我，顯然還沒睡醒，不知昨夜又到了哪裡風流快活。
 
「起身啦！」我說。
 
「嗯。」
 


「夠鐘啦，快d起身啦。」
 
「訓多陣先啦。」
 
「仲訓就遲到啦，快d去洗個面啦。」
 
「嗯。」
 
「仲唔去？」
 


「行緊啦。」
 
「我聽唔到你郁既。」
 
「嗯。」
 
「喂！！」
 
「下？！」
 


「洗個面就醒架啦。」
 
「嗯。殊殊殊殊殊殊。」
 
他竟然假裝打開水喉時發出的聲響來敷衍我，惹得我大笑起來，睡意也漸消。
 
「你以為咁就呃到我咩？」我笑笑說。
 
「嗯？無呃你丫。」
 
「你再係咁我以後唔打電話叫你起身架啦。」
 
「Miss丫，我有樣野想問你。」他仍是神志不清。
 
「講啦。」


 
「點解你對我咁好既？」
 
聽到他這樣說後，我的心不自覺噗通噗通的跳動，幸好不是在他面前，不然他又要取笑我了。

但若我在他面前，或他不是剛睡醒過來，意識未清醒，他又會這樣問我嗎？而我，又為甚麼這般禮待他？我也實在答不來。
 
「我對個個都係咁架啦，你再係咁遲到，又累我比人鬧啦。」
 
「你再咁關心我我會鍾意你架。」他仍是滿口胡言亂語。
 
「痴線既，唔好亂講野。」我被他的話嚇了一嚇，他這樣算是向我表白嗎？師生戀可是禁忌，

我不想惹甚麼麻煩，安安分分的在學校任教就好了，家裡還有年老多病的母親在等著我照顧呢。
 


「嗯，講笑姐。」
 
「真係最後一次啦，你再唔起身，我就以後都唔打比你。」
 
「好啦好啦，即起。」他的聲音突然又活潑起來。
 
難道他剛才在裝睡？也不管他這麼多。
 
「好啦，返學校見啦，拜拜 …… 」
 
「咪住！」
 
「嗯？」我問。
 
「Miss你住邊？」


 
「小西灣囉。」
 
「得，順路，一齊食早餐。」
 
「下？！去邊食？好地地做咩食早餐？」我愕然。
 
「你平時唔食早餐架咩？」
 
「食呀，好啦，去邊度食？」
 
「你屋企 …… ！」他笑說。
 
「下？！我雖然淨係同阿媽住，但係 …… 都唔係咁好既 …… 」我羞道。
 


「哈哈，你真心左！你屋企留下咋！」
 
我鬆一口氣。
 
「你又住小西灣咩？」
 
「你理得我姐，五分鐘後藍灣見！拜拜！」
 
「喂 …… 」我還沒來得及追問，電話已掛上了。
 
雖說我家離學校也有一點距離，但師生二人約在一起上學好像有點不妥，都是我不懂拒絕別人惹的禍，但我心內真的想拒絕他嗎？