其實我真係好想同你做埋最後一次愛: 初見

說起這個男孩，要從今年十月一個早上的升降機裡開始
 
我被編配的教員室很奇怪，在地下底層的二樓，像是一個與世隔絕的孤島，其餘
 
的教員室和課室都設在三樓以上的樓層。
 
那日上課的鈴聲響過，慢了按住電梯，也就知道要等電梯上落來回一遍才會回到底層二樓。
 
算吧，遲到上課也算是我的習慣之一。
 




「叮。」
 
電梯門徐徐打開，內裡卻站著一個男學生，那人眉清目秀，皮膚白晢，

不是穿著褲子還以為是女學生，不過他的臉還真是陌生，好像從沒在校內遇過。
 
「你 …… 你做咩架？」我問。
 
「哦 …… 我受左傷，咪搭lift囉。」他嚼著口裡的口香糖道。
 




「受傷？下面兩層無人架喎，你係下面做咩黎？」我問。
 
「下，乜下面兩層唔用架啦咩，哈哈，唔講都唔知添，哈哈。」他那稚氣的臉傻傻的笑著道。
 
「全校都知架喎，你新黎架？」我懷疑地問。
 
「嗯，今日先黎插班。」
 
「哦 …… 新黎都好啦，都應該知係得老師先比搭lift架啦，出返去啦你。」
 




「係咩？唔講都唔知喎真係，哈哈，不過新黎新豬肉，破一次例啦，靚女Miss 。」
 
「口甜舌滑都無用呀，你都係行樓梯上去啦，打左鐘架啦，再唔行快d，遲到就比人鬧架啦。」我笑道。
 
「咁衰架你。」他撇撇嘴道，然後向我扮一個鬼臉，離開電梯。
 
但見他垂頭喪氣地步出電梯，不知怎的，叫我暗暗好笑。