〔熱血〕【一班兄弟去台灣溝女】台灣遠征團: 71

我在五人群組中發放訊息。
我︰吹雞！兩個月後遠征團再次出發！
大同︰好啊！
精強︰咁突然？
我︰今次會係我最後一次隨團出發。
肥斌︰點解啊？
我︰我決定過去台灣！同小櫻一齊生活！我想娶小櫻！
技安︰你認真架？
我︰係！肥斌你要幫下我啦！
肥斌︰我唔想幫你，你走左我一定好唔捨得。不過你出到聲唔想幫都要幫啦。你講啦。




我︰哈哈，台北同香港咁近，況且你地都成日要過去，有咩所謂。我想係台灣做小吃店，你係香港賣台灣雞排都做到，我唔信我係台灣賣煎釀三寶會衰！我想你教下我做小食店有咩要注意，同埋幫我問下台灣雞排店老闆有無好鋪位介紹。
肥斌︰你叫到，幾唔情願都要幫啦。
我︰多謝曬！由於今次係最後一次出發，所以大同你無論如何都要食到台妹！完成我地當初成立的目標。
大同︰咁大壓力？食唔到我都唔想架喎！
我︰唔理啊！食唔到你搵精強啦！
精強︰正！又有生意接！
我︰今次去台灣仲有幾樣野想做，我想同肥斌去食餐勁嘅，想同精強一齊去過一個淫亂嘅晚上，想睇技安上台表演。
精強︰無問題！保証當晚一定淫賤不能移！
肥斌︰我又去淫亂派對！
技安︰喂！我都去！




精強︰無問題！幾多人都無問題！我有的是雞！
我︰咁我祝大同可以唔洗叫雞食到台妹啦！
精強︰哈哈！雖然咁會小左單生意，不過都就祝你食到台妹啦！
大同︰希望啦……
 
當天，我們就在組群內興奮地討論著最後一次遠征。
然後兩個月來我就跟肥斌努力地學習著小食店的經營模式，及學習煎釀三寶和格仔餅等香港小食製作方法。