〔熱血〕【一班兄弟去台灣溝女】台灣遠征團: 60

終於看到馬路了，我努力繼續跑，就算跑出去馬路擋著行走中的汽車，也比現在的生存率要高吧。
於是我拼命的跑，終於跑到了馬路旁，當我正想跑出馬路擋著汽車時，我聽到一下響安的聲音，我轉個頭看，來源是一輛的士，的士的門打開了，而打開門的人就是大同。
我歡喜若狂，馬上跳上的士。由於我正在喘氣中，無法說話。我就緊緊的抱著肥斌跟大同。
太好了！他們都沒事真的太好了！我這樣想著。
雖然我們認識多年，但男生之間總不可能會有擁抱這個習慣吧。所以在這緊迫的車廂中，是我們之間的第一次擁抱。
 
我們沒有多說一句，只是心急地等待到達賓館。
一到達賓館，我們馬上跑回房間。大同馬上拿起手提電話，打開擴音撥給精強。
電話正在響。
我急得心臟快要跳出來。精強你一定要接下電話！讓我們聽一聽你的聲音，知道你仍然平安。




「喂。」精強接下電話。
太好了，能聽到他的聲音，証明他暫時也沒有事！我高興得要哭出來。
「精強，我地返到酒店啦！我地會幫你……」我話未說完，就被他打斷︰「主角，我知你想幫我報警，不過千其唔好咁做。」
「點解唔好啊？你到底有咩計劃？不如你同我地講聲先啦！我地大家都好擔心！！」大同在一旁說。
「計劃？哈哈…」精強淡淡地一笑，然後繼續道︰「我嘅計劃已經成功左啦。我嘅計劃就係要你地安全咁返到賓館，咁就夠啦。」
「你講咩啊！！我地依家幫你報警！拖多陣就夠啦，你一定會無事架！」我大叫。
「唔好啊主角！台灣黑道大過差佬，報警都唔一定有用。就算有用，我地幾個香港人拍下屁股就可以走，有咩事最多以後就唔黎台灣。但係小紅佢地點算？我點可以叫佢地幫我地受？」精強淡淡地說。
「唔可以！我唔可以比你有事！我一定要報警！！」我失控大叫。
「主角！！每個男人都會有想保護嘅野！我生命中最重要嘅就係兄弟同女人，只要你地都無事，我就放心啦……但係如果你地邊個有事，我一世都唔會安樂！無錯，可能報完警我咩事都無返到香港。但係我會一世都唔安樂！可能你地會覺得我咁做好衝動好不智，但比起衝動，我更怕後悔。」精強說。
「精強……」我們三個已經急得哭了出來。




精強，這就是你的計劃嗎？這是什麼爛屁計劃！！我信錯你了！我開始很後悔……如果我們交下手指，可能四個人都能走出來。比起身體的殘缺，失去兄弟的感覺更可怕。
「就咁啦，我唔講啦，佢地開始有D唔耐煩。記住！千其唔好幫我報警！好兄弟，拜拜！」精強語調輕鬆地說，然後電話就被掛掉了。