〔熱血〕【一班兄弟去台灣溝女】台灣遠征團: 57

數十位彪形大漢讓出一條足夠讓我們離開的路。我，肥斌，大同，就穿過數十位彪形大漢，離開那間宿舍。
我已經不再為自己害怕，我腦海中只擔心著精強，只想著要把他救出來！
「記著！咩都唔好做！係咩都唔好做！返到賓館打比我！」精強在我們後方大喊。
咩都唔好做？精強是叫我們不要立刻報警嗎？
不管了，反正我們聽精強說的就對了！我們要回到賓館打電話給他！
 
我們三個慢慢的從這數十位的彪形大漢身邊擦身而過，所有大漢怒視的眼光確實讓人感到心寒，但在豹哥沒有指令下，他們都不敢有任何行動。
不過我更擔心精強的命運，當我們踏出房間後，精強會遭到怎麼樣的處置，實在是我不敢想像的。
雖然只有十多步的路程，但我總覺得走了好久。終於我們也踏出了房間。從昏暗的樓梯間慢慢往大街踏下。房間內亦同時傳出讓人擔心的嘈吵聲。
我們三個站在公寓的樓下，這裡是台北市中的一個小區。




凌晨的台北小區，別說車子，基本上連人影也不見半個，寧靜得可怕。
「快D出大街坐的士返賓館。」我淡淡的說，準備踏步上前，往大街方向走。
正當我剛踏出右腳，一記重重的右拳往我臉上揮動，我來不及反應，硬硬地用臉接上右拳。此拳的力度實在不小，中拳後的我有種頭暈目眩的感覺，而將拳送上的，正是大同。
「返乜拎野賓館！！我地嘅兄弟係上面生死未卜！你叫我點返去！！」大同對我哮叫。
我的頭眩感覺還未散去，小腹馬上再中一記上勾拳。這次將拳送上的是肥斌。痛楚讓我站不起來，我捧著小腹彎下腰。
「屌你老母！點解要走啊！！一隻手指如果可以換到一個兄弟，比佢又有咩所謂！我有十隻手指，無左隻我唔稀罕！！但係我得四個兄弟咋！無左邊個都唔得！！」肥斌急得快要哭出來。
我捧著小腹蹲在地上，待痛楚的感覺散退，我再次站了起來說︰「我信精強！頭先佢望住我嘅眼神好似就係同我講佢唔會有事。我信佢！再講，我地係上面跟本幫唔到咩手，我地要做嘅野就係返賓館打比精強，之後報警救返佢！加上切手指只係前奏，係唔係切完手指就一定無事？如果係！我有十隻！隨時可以送上！豹哥都講過，切完手指再傾，萬一傾唔成會點？」
「咁點解唔依家報警？等我地返到賓館精強可能已經出左事！！」肥斌說。
「唔可以！我地要信精強！佢叫得我地返賓館打比佢應該有佢嘅原因！我地要信佢！」我說。
「咁快D出大街坐的士啦！」大同說。