〔熱血〕【一班兄弟去台灣溝女】台灣遠征團: 52

「嘩！正啊今次！仲要包埋機票酒店請我去台灣！你地都一齊黎啦，我問左公司可唔可以帶幾個助手去，佢地OK！」精強興奮地對我們三個說。
「都好喎，反正我都想過去同台灣果邊傾下有無其他野賣。」肥斌說。
「吓？雞排唔好賣咩？」我問。
「雞排好賣，不過D香港人都痴線，個個又話太大塊又話食唔曬咁，未諗住同台灣傾下會唔會賣下D細件D嘅雞囉。」肥斌不滿地說。
「喂，精強，有免費機票酒店去台灣玩我當然樂意啦，不過萬一你衰左咁點啊？」大同問。
「屌，無拎得衰啦！基本上我都同D囡囡傾好曬，上去見一見面以表誠意咋，唔會衰！」精強自信滿滿地說。
「你咁講我都放心嘅，我報名！」大同說。
「有得免費去玩點解唔去，順便過去同技安食餐飯都好丫。我報名！」我說。
「嘩，我係唔係都想過去啦，我一定報名！」肥斌說。
 




然後我們就訂立了於下個月出發台灣，三天兩夜。
機票酒店由精強全包。
 
一到達台灣後，我們馬上致電技安。準備久違了的五人飯局。
再回到我們常住的那家賓館等待技安。
「屌，精強，其實反正都有得報銷，點解唔住好D？」大同問。
「咁住慣左丫嗎，依到無咩唔好丫！」精強說。
確實以一個大男人來說，只要房間乾淨，其實也沒什麼好嫌棄的。所以大家亦欣然接受。
當分配好房間後，技安都到達賓館。然後我們一行五人就由半地頭蟲技安帶路尋找隱世美食。
而技安亦不負眾望，帶我們到遊客鐵定找不到，旅遊書未曾推介的隱世食店。




雖然只是吃蛋包飯，但那味道絕對是我吃過最好吃的蛋包飯，實在美味得無與倫比。
美食獵人肥斌亦啃下三大碗。
「好拎好食啊，多謝曬你啊技安！」肥斌嘴裡咬著飯說。
「咁又唔洗多謝，你食三碗會唔會太多啊？」技安說。
「唔會！唔會！我仲想食多碗！」肥斌眼睛未離開過那碗蛋包飯。
我記得自己看過肥斌的這個眼神，為食物而發光的眼神。就在士林門口，肥斌第一次品嚐大雞排的時候，就是這個眼神！
「肥斌！你唔會又諗住係香港開返間掛？」我問。
「唔會啦！餐廳唔同小食店，需要嘅地方大好多，需要嘅員工又多好多。自然租金同人工都會貴D。而且店面的裝修又唔可以太求其，拿牌又難。」肥斌清楚的解釋。
從前，肥斌給我的印象就是一位只顧吃的大胖子。從商後的肥斌，彷彿就多了一份成熟感。當然，要經營一家店肥斌肩負的確實不少。可能這肩膀上的壓力就成為了肥斌成長的催化劑吧。
作為好兄弟的我，為他的成長感到欣慰。




肥斌接著說︰「不過最重要的都係一樣野，雞排就咁炸就得，無咩技術。而蛋包飯就好講技巧。就算我係香港開，廚房個師父唔一樣，味道都唔一樣啦！咁開完我都食唔到同依到一樣味嘅蛋包飯，咁我開黎做咩？」
肥斌還是那個食大過天的肥斌。