〔熱血〕【一班兄弟去台灣溝女】台灣遠征團: 43

時間再過了一陣子，終於出現了我要去台灣的理由了。
在我們五人群組裡頭。技安又發出一個令人振奮的訊息。
技安︰今年春吶有我地份表演啊！你地一定要過黎睇！！
大同︰春吶？正喎！
精強︰係唔係免費先？
技安︰應該可以拿到票比你地！只要你地黎睇，請埋你地又點話！
我︰咁一定要黎啦！
技安︰提提大家，聽D台灣人講，係春吶食女仲易過係夜店。到時帶多兩個套過黎啦！
精強︰幾時？我馬上同公司請假！
肥斌︰精強，你嘅重點會唔會放錯得太明顯呢？




大同︰快D講幾時！我馬上幫大家訂酒店，溫泉旅館岩唔岩？
技安︰你班仆街丫……
 
就這樣，我們約定了去春吶看技安的表演。
當然知道要去台灣之後，第一件事就是通知小櫻，然後再邀請她跟我一齊去。
由於距離春吶還有一段時間，小櫻也好請假，所以也爽快的答應我！
 
往後的日子，我每天都期待著春吶，期待著跟小櫻的見面，期待著第一次看技安的台上表演。
 
終於，等到春吶的日子到來。遠征團再次出征台灣！




「大同！今次嘅出征你一定要出精啊！」精強拍一拍大同的肩膀道。
「嗯！」大同大力地嗯一聲回應。
「墾丁嘅野食好似無台北嘅好食……」肥斌邊掃著電話邊說。
「大哥，一陣間有好野食你會唔會又係香港開間架？」我說。
我一說完，整輛開往機場的的士中就充滿了笑聲。
伴隨著笑聲，我們亦到達了香港國際機場。
再過幾個小時，我就能再一次和小櫻相見。第一次看技安的台上表演！這一次是我最期待的台灣之旅！