〔熱血〕【一班兄弟去台灣溝女】台灣遠征團: 29

「技安，轉頭上飛機可唔可以唔好再唱歌啊？」我用失戀這個最大權利為大家謀福利。
「OK！」技安同時舉起OK手勢。
 
上到飛機後，我要求坐在窗口位置，由肥斌坐於我隔壁。
每個失戀的人，總會有想把自己隔離的心態，我也一樣。而肥斌那巨大身形太像佈景。有種能將我跟機倉裡的人給隔離的感覺。
 
我就望著窗外，看著飛機起飛。
眼眸裡逐漸變小的台北市，代表著我跟小櫻的距離越來越遠……
一想起小櫻，想起這個因為相愛而分開的台灣女孩，想起我們最後的對話是她一句我真的很討厭你，想起我們短暫卻甜蜜的回憶。我偷偷地流下眼淚……
 




我聽到飲泣聲。
我深深的吸一口氣，我不願將軟弱展示於人前。
但飲泣聲還是存在……
幹！這飲泣聲根本並不屬於我的！
「喂肥斌，我就話失戀姐，你又係到喊乜春啊？」我驚見身邊的肥斌在哭。
「我…我…我今晚開始無雞排食啦……」肥斌繼續哭。
「屌！痴拎線！雞排返香港都有得啦！洗唔洗喊啊！」我激動地說。
「你唔明架啦……香港…香港既雞排……無咁拎大塊架……」肥斌擁抱著我開始嚎哭。
「喂！你唔好拎癲啦！你食夠兩塊頂一塊未得囉！」我搖晃著肥斌，希望他能清醒。
「唔同！根本就唔拎同！你鍾意D級既女，我叫你溝兩個B級既頂住先得唔得？得唔得！！」肥斌激動大叫。




 
肥斌一大叫，相信四份一的機倉乘客都知道我喜歡D級的女人……我雖不否認，男人愛大波天經地義！但突然被四份一的機倉乘客認定我是胸奴，場面令我覺得非常尷尬……
 
同時，我們又成功令空姐介入……
「依？又係你？」
世事的巧合永遠讓人無從招架……沒錯！就是我們去台灣時勸技安不要再唱歌的那位空姐……
「呃……Hello？」我真的不知該如何回應。
「你知唔知你地咁大聲會嘈到人？希望你地唔好再影響到其他乘客。」空姐臉上掛著笑容，但語氣上卻帶著點點的恨意。
我以笑遮醜，尷尬地點頭回應。同時偷瞄到那空姐應該大概只有B級……難怪語氣上會帶有如此強烈的恨意……
「唔好意思，我會睇住佢架啦。」我笑著點頭。




「咁你睇實你朋友啦，有咩需要就搵我地啦。」空姐說。
「我需要降落傘…」我輕聲說。
「吓？」空姐。
「無…無野啊，唔該曬！」我笑著說。
 
再一次，我柒到有想跳機的衝動……
 
而肥斌亦由嚎哭轉成飲泣，他一直未能平服心情，直至飛機餐端上後……