《我要回到過去同周杰倫爭女神》: 第十七章《最後一次穿越》

為咗令女神開心我刻意收起傷感嘅情緒。

「生日快樂，小鎂，個蛋糕送比妳嘅。」

「小亮你永遠都是最好的，我愛死你喔。」

同佢食蛋糕果陣我問女神。

「如果今次係我最後一次見妳，妳會點？」





「那是沒有可能的，因為我知道你一定會想我喔。」

「我一定唔會。」我一定會。

我就係鐘意妳呢份天真同傻氣。

「怎麼了？你要拋下我，然後自己去穿越未來嗎？別當我白痴喔，我才不會相信呢。」

一諗起今次係最後一次見女神，我個心就好痛，眼淚亦不聽話咁走出呢。





「你幹嘛…哭？對不起喔，我想不到你那麼認真耶。」

「傻女，梗係唔關妳事啦，有沙吹咗入我隻眼姐。」

「白痴，我家又怎麼會有沙呢？」

「妖！食妳嘅蛋糕啦，咁多野講。」我真係好想好想喊。

「哎喲，有人不夠我講生氣喔。」





「再嘈下次我唔整比妳食。」仲會有下次嗎？

「行啦，只是想逗你開心而已，食蛋糕吧。」

「嗯。」

女神啊，妳可唔可以唔好離開我，我真係好愛妳。點解個天要咁殘忍，既然祢比機會我地相識，點解又要我地分開。點解我做咁多野最後咩都冇，公平咩？

時光飛逝，轉眼間蛋糕已經食完，我亦都係時間要走，臨走前我同女神講。

「小鎂，保重啦。我地⋯仲會再見嗎？」

「當然會了，笨蛋。」

「咁⋯再見啦。」





「那麼婆媽，再見喔。」

「桂綸鎂⋯我愛妳。」我望住佢背影講。

我始終都無勇氣親口同佢講。

或者⋯默默離開先會係最好嘅結局，相方亦唔㑹咁辛苦。

不過原來呢個諗法非常錯誤。

返到現實我嘗試適應無咗女神嘅生活，但係根本完全冇可能，我每一刻都會諗起佢。而粗口天使亦都因為完成咗佢嘅使命離開咗我。

愛情就好似毒品一樣，你一但試過就會上癮，好難戒甩。





我每日就好似隻喪屍咁，只得個空殼，靈魂仲停留係15年前。

如果比我揀，我寧願停留係15年前，就算要死我都願意。

「喂亮公子，你死得未呀？」粗口天使突然出現係我間房。

「仲返黎做咩呀粗口天使？」

「無聊咪呢睇下你囉。其實你一早就應該知道呢段愛情根本無可能，現代人可以同古代人拍拖只係笑話，你同‘佢‘一樣咁傻。」

「妳講得好錯，愛情只有分愛或者唔愛。愛情係唔限時空或者係距離，即使妳愛嘅人已經死咗只要妳仲愛佢嘅話，佢就會一直係妳心入面。如果妳係愛一個人嘅話，即使要為佢死妳都會願意。
妳永遠唔會計較為佢付出幾多，亦從來唔會介意回報。可能妳會問我為咗一棵樹而放棄成個森林值得咩，但係如果棵樹係識發光嘅就非常值得。」

自從識咗女神之後我領悟咗好多野。





「即使要死都願意？」

「無錯。」

「妳做咩呆咗咁？覺得我講得好啱？」我問佢。

「多謝你⋯你幫咗我一個大忙，我終於知道要點做。」

「你又話想返去嘅，嗱攞去啦。」粗口天使係佢自己本筆記到撕低咗一張紙。

「粗口天使妳咁做嘅話會⋯」

「死哎嘛，你啱啱都話為咗愛人死又有咩所謂喎。反正我死咗之後就可以見返‘佢’。仲有其實我叫啊柔，唔好再叫我粗口天使啦。」

「咁妳可唔可以話我知其實果個‘佢’係邊個？」





「‘佢’就係你朋友⋯啊傑。」