《我要回到過去同周杰倫爭女神》: 第十五章《殺意》

為咗令女神平靜心情，我為佢彈一D較為輕鬆嘅音樂。其間我一路諗究竟粗口天使點樣避過穿越天使去實行計劃，而周杰倫又有冇懷疑過我呢？彈下彈下女神已經不知不覺間訓著咗，伯母亦都
返咗呢，所以我都係時間走啦。

離開左女神屋企之後我問粗口天使。

「我岩岩發現左原來周杰倫都係穿越者。」

「我一早知啦。」

「屌，妳唔早講。」





「你理撚得我姐？總之計劃成功咪得囉。」

「周杰倫個穿越天使無阻止你咩？」

「講起就扯火，我原本一早同佢講掂數叫佢唔好阻住曬點知佢反突然反悔。所以⋯我殺咗佢。」

「吓？妳...殺咗佢？」

「為咗‘佢’我咩都做得出。」





講得啱，我為咗女神我咩都做得出，而周杰倫呢種人傷到女神咁深心根本唔應該生存係世上，所以⋯我要殺⋯咗⋯佢。

愛情其實就似一種病毒一樣可以令你瘋狂，做出一D意想不到嘅行為。

如果冇記錯周杰倫對上一次定期失蹤應該係3日前，真係天助我也。

希望佢仲未返返現實啦。果然被我撞到佢起沙灘一個人飲悶酒。

「嗨！小倫你啱啱攪咩呀？」我真係好無恥。





「我都⋯不知道耶，我其實⋯對晴依並沒有任何⋯意思，但是不知道⋯為什麼嘴巴親了下⋯去。」

「啊亮⋯你⋯會⋯相⋯信⋯我…嗎？」

睇黎佢已經開始飲醉，係機會啦！

我伸手入佢褲袋果然比我搵到穿越筆記紙，而對上一次穿越果然係3日前。

「周杰倫你死期到啦！」

我用力將筆記紙一掉，周杰倫嘅命運就同筆記字一樣一齊跌落海中。

「原來…你也是⋯穿越者⋯嗎？」





「你竟然為左自己演唱會而放棄女神，你根本不配擁有佢。而我為咗佢可以做咩都得，包括殺死你。」

「哈哈哈⋯我為了她居然殺人， 我不配？」

殺人？佢究竟殺咗邊個？

「我殺死了⋯啊！」

周杰倫痛苦咁掩住自己個心口，時限到了嗎？

漸漸地周杰倫已經奄奄一息，我頭也不回咁離開咗佢。

「女神只配我一個人擁有。」