《我要回到過去同周杰倫爭女神》: 第九章《機會》

『小鎂，我下個月又會定時消失，所以下一次見妳會是一個月後喔，千萬不要想我啊。』周蕫突然間講。

『我才不需要你呢！我有小亮。』

係咩，我真係代替到佢？

『那就辛苦你了啊亮，小鎂她很難服侍的喔。』

『哈哈⋯無所謂，咁我地一個月後見啦！』梗係唔辛苦，我等呢日已經等咗好耐啦。我一定要係呢一個月內打敗周蕫。





『今日不如比我送妳返屋企。』我當然唔會放過呢個機會。

『嗯。』

我借咗周蕫架單車戴佢返屋企，被女神攬著嘅感覺真係好正，佢嘅體香同皮膚緊貼著我，令我High到幾乎呼吸唔到。

『其實妳中意D咩？』講真我真係唔知道佢中意咩。

『我？我喜歡彈琴和甜品喲。』





『哪妳喜歡我嗎？』我都唔知點解會咁問。

佢塊臉即刻紅曬，低著頭無答我。

『講笑咀，唔洗咁認真。』

我地咁岩經過一個琴行，佢指住?面一個白色琴。

『如果我能擁有它就好了。』





『又的確幾靚嘅。』

『不是幾，是超。』

『係咩，我又唔覺喎。』

『討厭！』佢又用力扭我隻手臂。

就係咁我地又回復返好似以前一樣。

『前面就是了，謝囉』

『小鎂，換了男朋友嗎？』一位中年女性問道。






『媽，不要亂說，小亮是我朋友。』

『他好像比小倫師呢。』

『媽！』

『好啦好啦，小亮謝謝你送小鎂回家喔。』

『不用謝。』

『明天見吧小亮。』

『嗯。』

我返現實去之前特登去琴行睇下個琴幾錢，發現要成4千蚊。以我依家嘅情況要係一個月內揾4千蚊真係好高難度，但係無法啦，因為呢個琴就係我戰勝嘅關鍵！