《我要回到過去同周杰倫爭女神》: 第六章《女神》
(為了方便，淡江中學嘅環境，學生性格及背景將會依照電影《不能說的秘密》)
『嘩好凍啊。』台灣十五年前嘅天氣真係比香港凍好多，係我眼前嘅係一個尿盆，我應該身處係男廁裏面，身後嘅穿越天使亦隨即到達。
『嘩咁撚凍嘅。』爛口嘅佢又再次爆粗，但係佢句粗口卻反而帶比我溫暖感及安全感，畢竟佢係我古代唯一嘅朋友，而係我地面前出現咗兩
個衣衫不整嘅學生。
『你新是來的喔？』其中一個MK問我，因為我穿越前係著住校服，所以佢地並無懷疑我。
我輕輕點頭『請問音樂主樓怎樣去？』我記得桂綸鎂係主修音樂
佢指示咗我點去之後就走咗，臨走前佢同我講佢個花名叫啊寶而佢個朋友叫啊郎。
一踏入音樂主樓已經聽到美妙嘅琴聲，我由窗出面見到我嘅女神，桂綸鎂。
我等佢彈完首歌之後輕輕打開門，仔細咁睇學生時代嘅桂綸鎂不但比07年嘅佢更靚，而且更多咗清純同童真嘅感覺，全身亦散發出濃厚嘅體香，有著迷人嘅氣質，而呢D就係女神所具備嘅野。
『妳彈琴很好聽。』
佢似乎一早就知我入咗呢，所以並無因為突然有人同佢講野而嚇親。
『謝喔。』
因為呢次係我第一次同女神講野，所以難免會因為太緊張而揾唔到話題。
『你是新來的嗎？』佢再次打破沉默。
『是…我叫啊亮，我也是主修音樂的。』我都唔記得咗未同大家介紹自己，我全名係司馬周亮，為咗同女神同班我迫如無奈話我都係主修音樂嘅。不過多得老母從細就迫我彈琴，所以我都考到7級，都應該可以頂住先嘅。
『我叫桂綸鎂，好高興認識你。』佢一路笑一路講
佢嘅微笑實在係太吸引，係我見過最靚嘅笑容。
『哈…我也是，希望我們可以做一對好朋友吧！』我唔敢相信自己竟然會講呢D咁白痴嘅對白。
不過人往往會係愛人面前變得白痴。
佢忽然又係度傻笑，我又以為自己講錯野，佢應該唔會覺得我好白痴呱。
心理學中有著「第一印象效應」，89%的人會在5秒內決定喜不喜歡這個人。
『怎麼了？我說錯了東西嗎？』唔係第一日就收皮下話
『沒有了，只是你的國語超爛的，你是香港人嗎？我聽得懂廣東話的』
『嗯⋯好的，我彈首歌比妳聽好無？』男仔彈琴比女仔聽應該幾浪漫，至少我覺得係。
『好啊!』佢一口答應。
我隨便揀咗首蕭邦圓舞曲，好彩技術亦無生疏，勉強過關。
『彈得很好喔。』
『多謝。』得到女神讚賞真係幾正，但係⋯咪住！點解會係男人聲㗎，而且把聲好熟，好似係邊到聽過咁。我轉頭一睇係我面前出現嘅竟然係周蕫，周杰倫。