《我要回到過去同周杰倫爭女神》: 第三章《自白》
無聊，你估真係《不能說的秘密》咩，回到過去，痴撚線。
突然間房門比人開咗，因為我無開燈嘅關係，我睇唔清出面果個係咩人，有一刻我真係諗會唔會係穿越天使，但係一秒後我嘅FF懸諗已被秒殺。
『仔，出呢食飯啦。』我因為由滿心驚喜變成失落而沖口而出講咗聲屌。你試下再係我面前講粗囗，你以後唔洗至意再打機。『得啦得啦，我一陣出呢。』
講起打機我都可以算係老手，由五歲已經開始打xbox，打到依家17歲，已經12年。我之所以打機並唔係真係好鐘意打機，而係攞呢掩飾我嘅寂寞。從少已經接觸唔少愛情片，戲中嘅情侶一定有一段既轟烈又浪漫嘅愛情故事，令到我都好想試下拍拖嘅感覺。
可惜天意弄人，老母扁扁要我讀男校，仲要係一條龍小學直升中學，這些機會不是屬於我的…假如可以返到過去，我真係好想好想同一個中學嘅女仔拍拖，諗到呢到隻眼已經不受控制流下眼淚。