我同二家姐一段不可告人既越軌關係: 第五章
有一架N118 (好似係)出返旺角，一路上，我都左右為難，有得食唔食，個良心真係On9
大B其實想入閘，只係入唔慣呢個閘姐，點解咁Side料呀！ Christine雖然唔夠芷悠咁神，
都不失為一個九十分以上既靚女丫！上到，會為你作為雄性既獵物名單都有個交待丫！
作為一個男人，一生入面點可以冇個好既戰績呀？唉……唔好再講喇…再講我就返轉頭架喇
然而，我又有一份自豪感，因為我真係做到能人所不能既野！我真係臨崖勒馬得到！
都算係做人做左咁耐，最可以值得記一功既事！
有邊一個男人敵得過女色？可能有，因為引誘你o個個唔係林熙蕾
依家諗起都仲有D Dup春，其實，並唔係單單憑住我對芷悠既愛而令我臨崖勒馬
而係作為蔣家既一份自傲
咩係自傲，就係我相信我地蔣家既三姊弟係出類拔萃，並唔能夠同一般人相題比論
我去食女，係「我」去食D女，不過當我同二家姐既愛萌生出黎之後，我地就變左一對，
即係話，「我」去食女已經唔再單單只係純粹我既欲望，而係有一個比較，
芷悠係我枕邊人，如果我同Christine做左，即係話佢亦會成為我既枕邊人，
咁樣的話，我咪即係將神級既芷悠同凡俗既Christine放埋同一個地方度？
芷悠係我女朋友，同時亦係我既二家姐，我地流住既血係連成一線，如果我將佢同Christine混作一談
即係話其實係將自己同Christine混作一談，而再唔係「我」去食女，
反而係，D女同我地蔣家既人一鳩樣，我唔係話Christine Cheap，佢都係一個好有價值既女生，
只係，就唔能夠同芷悠，甚至係孤高自傲既我同一層面，
我驕傲自負，有時候就係救左我一命，我知道，如果我同Christine有左關係，
芷悠就算知唔知都好，我對芷悠既愛都會因為被分簿同內疚而變質
愛就係咁，特別係我地呢一種完美主意者，當愛再不能夠完全既時候，就會慢慢腐化
有時明明知會咁，都仍然要入閘，搞完先算
搞完就冇得再算，有時唔係另一半唔知就OK，因為最大既敵人永遠都係自己
真係真金不怕烘爐火，好老土不過又真係唔去到烘爐都唔知原來舊金堅過石堅，
Christine的確係一個好大既考驗，及後我地都有繼續做朋友，有繼續MSN，雖然熱情減退左，
唔會再日日聯絡，仲語帶輕挑，我地之後都曾經因為酒亂性而都……(有機會再講)
佢成日問我，究竟我女朋友係點，因為我從來都冇打算話佢知其實我女朋友就係二家姐
我冇辦法講出口，只能夠講，真係此生難求，下生莫及既一個神女
Christine同我講，冇男人唔食魚，我唔係男人
我同佢講，妳其實係咪想指貓？
咁返當晚，我就返到屋企已經三點幾四點，二家姐房門閂左，應該訓左…
其實我有少少失望，又冇SMS我同我講早抖，又冇打俾我問我幾時返，係咪嬲我去左打機？
定佢其實知我出左去偷食？
呢個世界最慘既唔係出去偷食，食完俾老婆知然後跪玻璃，
而係出左去食麵都俾老婆視為偷食，然後一樣要跪玻璃，跪緊既時候就會笑鳩自己做乜唔去偷食
二家姐會唔會知我其實去左Clubbing，知有Christine呢個人存在？
佢睇過我個電話入面D Msg Box？爸爸媽咪洩露左口風？
定Christine o個日黎我屋企靜靜雞除左條低褲Zip響我張床床邊又俾二家姐發現到？
真係弊！呢晚係第一晚二家姐訓前冇通知我既一晚
通常都會send：晚歸的老公，老婆先進睡，要是想念，務必歸來時給我重聚的吻。
今晚乜都冇，件事係咪已經黃左？Christine係咪求愛不逐，打去搵二家姐示威？
冇理由個喎，佢鬼知我女朋友就係我二家姐，亦都唔知二家姐電話幾號！
唔係喎！D女人short起上黎又真係神通廣大……好似你碌鳩少左條毛都知道…
你睇我個心幾虛？！真係唔好去偷食呀，如果你真係重視你另一半既話
其實有沮喪，因為一個鐘頭前響Christine屋企真係扯到噹噹聲，
為左真愛決意離開，然後o個刻開始我真係好掛住二家姐，芷悠就係響屋企等緊我
我有個咁索咁正既女朋友點解仲要出去偷食？好彩我冇食到，真係有型………
響車度我就係咁重覆呢幾句說話，然後我係想一返到去就擒住芷悠玩通宵！！(聽日星期六唔使返學)
點知，二家姐既房門冷淡咁閂埋，我企響佢房門外，異常覺得佢拒人於千里，係，佢真係嬲
嬲乜野？究竟佢嬲乜野？我又重覆諗多次頭先既憂慮，
頂………個心邪左邪，出去玩兩野，返黎原來會有咁多心理後遺症，真係早知今日…
我最後冇選擇衝入房，然後拿出大B，拉起二家姐既被鋪然後將大B塞入去佢小小既咀，
然後拉佢出陽台黎多次野外露出，我冇咁做，我最後選擇垂頭喪氣返房，決定打下機解下愁
返到房入面，真係格外空虛，我好似突然咩都冇哂
明明係為左專一而臨崖勒馬，明明係為左芷悠而放棄進入中大林熙蕾體內插旗……
又明明我專一就唔會心邪，又明明我係去Clubbing又做乜講大話話係去打機………
總之我其實唔係咁正義啦！真係唔好以為自己好威，其實根本一早就已經衰左
咁我後生細仔血氣方剛，有少少心邪少少出軌都好正常姐！！！
二家姐其實只係大我兩年，其實佢只係一個二十二歲既少女，因為佢生性成熟體諒，溫文爾雅
所以我先覺得佢好大過，其實佢只係一個擁有一顆天真無邪，脆弱又嫩紅心靈既少女
我坐響張床呆住，愈諗愈自責，深深咁嘆左一口氣，係，我真係覺得自己咩都冇哂
此時，我突然聽到隔離有把聲：唔………阿B你終於返黎喇………
哇！嚇死人咩大佬……………原來係芷悠…佢訓左響我張床我又真係見佢唔到
佢擦一擦眼扭動一下身體，伸左一個懶腰，然後轉過黎我身邊隻手搭住我大脾問我：「好唔好玩呀？」
此時，我覺得自己真係完完全全咁辜負左眼前呢一位賢妻！！！！
我完完全全冇珍惜過呢位上天賜俾我既天使！！！！
點解到左依個時候，芷悠都仲要對我咁溫柔！點解仲要咁體貼……？！
我既情感爆發出黎，我唔理自己身有幾多煙味，我攬住芷悠，然後起勢咁錫佢
當我錫左落去，芷悠溫柔既咀作出適當既反應之時，我覺得自己真係要仆街死
屋企有個咁好既女朋友，溫柔體貼，仲要唔計較唔抱怨，等待住我呢個講大話既男人偷食完返黎，
仲要自動獻身，匹夫何求？我地錫左幾下，然後傾起計上黎
姐：打機攰唔攰呀？
我：唔攰…坐響度打會有幾攰喎…
姐：如果攰，芷悠幫你按摩下嘛
我：夜喇…唔好再做D髏力勞動野喇
姐：咁你想唔想要芷悠呀…
我：很…好想要…嗎？
姐：做乜突然講日本話既？
我：係日本話黎既咩？
姐：咁………
我：想！
姐：我幫你………好冇？
我：不如……俾我沖左涼先好冇？我呢…驚會有陣尿味…
姐：我唔怕架…o個D咪又係你既野
我：下…哇…WOW…唔……(其實係驚芷悠幫我含完又錫返上黎我咀，我會聞自己D尿味，嘔)
姐：你覺得沖左涼舒服D既，我等你丫……
我：不如唔好含，直接黎…咁咪唔使沖囉！
姐：耶……(面紅紅)
響呢度，請大家聽我唱一首歌，咳咳……唱得唔好唔好笑
讓…讓美色…給官感體諒…過程…其實極漂亮
難道你在訓練我…不需要！情！慾！對象！
熱吻間…勾起的想像…愛情…其實是這樣…
留住你…是要為身體著想……………………
唔…仲有…仲有一段……
談情很好…不過也要你擁抱…
啦啦啦…啦…啦…(唔記得左歌詞)…未被忘掉過…
地獄之火…睡在心窩！！
難道我望著你你望我……就毫無罪過！！！！
Woo.........Wo.......(扮結他solo起勢咁Blend線……)
扑野呢D，真係來來去去都係咁，講得多都厭，咁我做係咁樣執左二家姐一劑之後先沖涼，
呢齣係愛情片，都唔想再描寫得太多動作場面喇，大家自己諗啦
當我爽完，入去洗手間，沖緊涼，沖沖下既時候………
弊！！我個電話漏左響房！哇！大鑊！！！如果Christine真係手痕Send個SMS黎問我訓未，
我就真係要唱返首男人的感慨………
弊！沖緊涼走出去然後入房拎返個電話會唔會太有霸氣？
唔理，照沖，沖完見到二家姐已經喊到豬頭咁…我就真係…無力挽救…
冇計！唯有快D沖，沖兩秒水就算…身都未抹，摟住條毛巾就返入房
返到入房…二家姐正赤裸裸咁打側訓響床望住我…對C奶受地心吸力影響，個Sharp更出
我即刻就想再上床執多一劑佢，其實佢無非都係想咁姐？
於是，我二話不說就隊支棍埋去，佢就自動波起身幫我吹返硬佢
賢良淑德咪就係呢D囉，三從四德第四德就係要響床上永遠聽話，順從老公意思
芷悠實在係好老婆既不二之選…噢…噢…噢…
我要入黎喇…
第二朝，起身既時候，如常地枕邊已經少左個人，成間屋都得返我一個
刷牙洗面，沖涼…飲奶，電話響，係有個FD打黎叫我起身睇NBA…
我順便手痕按下個電話……
咦？！
Christine？
呃？
尋晚3點？
哇？
點解唔係Miss Call？
下……
唔通有人接左…
頂！！！！
唔撚係呀嘛？！
我即刻打返俾Christine…冇人聽……
我坐響張床諗………唔通…冇理由既…
Christine打黎做乜？二家姐係咪接左？Christine打黎做乜？二家姐講左D乜？
我諗極都唔明，然後我假設二家姐見半夜三更有個女仔來電，一定會同Christine講左一D敵對既說話，
然後兩方知道對方既存在，而發生衝突！二家姐記低左Christine個電話，瞞住我單挑Christine
相方約出私鬥，著住Under打泥漿摔角，軟弱無力既二家姐被烈女Chirstine連返攻擊不斷捱打，
仲捉住二家姐既Bra扣要脅二家姐認輸，唔係就放佢對C奶出黎亮相俾在場觀眾睇
二家姐鬥志無限強，隨手拎左個空樽，Dull頭掟落去Christine個頭度，
Christine即刻爆缸，暈左響泥槳池入面，二家姐恨不得要殺死Christine，繼續捏住Christine頸唔放
評判已經判左二家姐勝，二家姐依然唔放手，最後警衛要出手阻止佢…
不過已經太遲，Christine已經氣絕，而二家姐都因為謀殺而被判入獄，
我每一日都拎一束新鮮玫瑰去探監，每一次，二家姐都唔肯見我，每一次我都放低玫瑰同一封信
芷悠：
如果我們就此不見，折翼的我也彷彿連站起的動力也欠奉
我們之間隔著的只是一個過了火的誤會，當中，從來也沒有背叛和不忠，只有一點心野和輕狂
芷悠，妳是我今生唯一的傳奇，也是我下一輩子活著的目的，這輩子我會為我們的愛作出補償
就讓我知道，妳那邊的秋天是否能夠穿過冬天的雪，來到櫻花樹下，跟我再共舞。
對不起，芷悠，我只有愛妳，我愛妳的，是妳沒法預計到。
樂晨
電話響起，Christine終於打返俾我
C：唔…咁早…搵我…？
B：係呀…仲訓緊？
C：係呀……………D酒氣都仲未散…
B：係呢…尋晚呢，係咪打過黎搵我？
C：係呀…
B：咁…
C：你家姐聽電話…佢話你沖緊涼
B：然後呢？
C：我話咁好啦…
B：仲有冇…？
C：佢問我使唔使叫你打返俾我…我話唔使喇…都咁夜
B：然後呢？
C：然後咪收線…囉
B：下…哦…係………
C：做…咩呢？你驚你家姐知道你同我尋晚同我一齊…仲差D…
B：點…點會驚喎…我大個仔架喇！冇…見妳打過黎又唔係miss call…
C：唔……掛住我？
B：掛架…
C：掛住我咪黎搵我囉…你又唔係唔知我住響邊
B：哈哈…好…
C：你家姐把聲好溫柔好靚聲喎！
B：我都唔差姐！支持靚聲王請坐…………低…………
C：我再訓多陣喇…真係黎搵我…買套呀…我屋企冇
B：…………拜拜
原來冇事…
二家姐變返做二家姐既身份幫我接左呢個電話，然後用一副二家姐腔接左細佬個朋友既電話
唔……收左線之後，個細佬就返黎，然後同細佬口交，再擘大對脾俾細佬個細佬入黎
半邊燒鵝脾再狗仔式，最後以觀音坐蓮坐爆細佬，細佬射哂入黎，然後清理一下就一齊攬住訓
天岩岩光，就要鬆開細佬隻手臂，著返衫，然後返返自己房，飲杯清水，食返粒避孕藥，
然後繼續訓，八點幾就起身換衫，返演藝教小朋友琴：老師老師，妳今日好似有D唔開心喎！
大致上應該係咁
我敢肯定，芷悠一定會唔開心，然而，佢就係咁顧及體面，所以咁抑壓…
我去左演藝接佢放工，仲買左一束康乃馨
遠處見到二家姐，佢見到我即刻微笑，然後急步走過黎攬住我，撲向我懷中
我遞束花俾佢，佢好開心，笑得同D花一樣咁燦爛
我地拖住手一齊行，後面一個女仔上前同芷悠講野：哇！好Sweet喎！原來妳個男朋友都真係高大威猛
姐一臉歡欣，只係郁一郁膊頭側一側頭「嘻」笑左一笑，就拉住我走
其實我一直都想問佢關於尋晚個電話，見佢冇反應又冇提起，我又唔想掃興
我：係咪返屋企食飯？
姐：唔返！
我：點解呀？
姐：我想拎住紮花多一陣呀！
我：咁…妳都可以拎紮花返去架嘛…
姐：我想街上面每一個人見到我男朋友對我有幾好，有幾浪漫丫嘛！嘻！
我：芷悠………
姐：我帶你去一個地方丫！你一定未去過！
我：下…咁得意？
姐：唔！
黃昏既時份，芷悠同我過返海，佢帶左我去尖東，尖東一間響海旁既五星級酒店入面，
唔通佢想試下爆房？爆房…都唔使…咁高級呀嘛…………
芷悠托我保管住紮花，然後行左去咖啡室o個邊，開頭同個男侍應講野，
然後男侍應就搵黎男經理過黎…見芷悠表情誠懇又大費周章咁講野，仲出示左唔知咩咭…
最後男經理一個好大幅度既點頭，芷悠又過黎拉我入去咖啡室
咖啡室岩岩西斜，照住我，芷悠見我坐悠，我坐響窗邊一處，
太陽放工既限間作出最後倒數時，天色特別薰紅，芷悠行去餐廳中間，坐上張三角琴前面張櫈度
望一望我，然後十指一下拉筋後，就開始奏出動人既慢拍琴聲
同酒店慣常既音樂背景好唔同，有D似日劇主題曲又有D似古典名著，在場既人都被吸引住
我亦都係其中一個被眼前呢個美若天仙既鋼琴家吸引住，我從來都未聽過二家姐響屋企彈過呢首歌
只要二家姐一彈起琴，我心入面都總會出現一句：哇！唔使靚得咁誇張呀嘛…
講到芷悠帶左我去一間酒店大堂入面既Coffee Shop，然後坐響部三角琴，彈出令人感動既慢歌
諗諗下，係喎，其實好耐冇睇過二家姐既表演，自從前年響文化中心睇過之後，都好耐冇睇過
識彈琴既人已經夠吸引，仲要係靚女，真係十分受歡迎，我成日同二家姐講，
如果佢轉行去舉重，一定會成為萬人迷！因為呢項運動冇靚女
我都教佢打過下籃球，有D人生出黎就係做唔到運動，睇見二家姐拎住個波好似捉雞咁姐手姐腳，
都係算啦…彈返琴算…陣間打打下籃球篤到魚蛋，我賣身都賠唔返
酒店入面既人都聽得津津樂道，全部都冇再傾計，專心望向鋼琴o個邊
一首悠揚悅耳既慢版鋼琴獨奏，其實唔係有幾多可以令你有思考既空間，特別係Classical
都唔知做乜！前進式既編曲真係冇辦法入耳，難以令人墮入作者本身所想表達既意思，
特別係冇歌名o個D，例如咩C大調協奏曲、西班牙舞曲、Suite no. 1 prelude……都冇題目既！
D古人真係懶！依家D Classical音樂家又好少會作歌，成日玩返100年前D名著，真係悶…
芷悠就係將古典既音樂融化成現代既樂章，雖然我唔識用文字寫出音符，
不過就係令人好深刻，前段有一段好入耳既序，重複再幾次就進入靜態而又溫和既狀態，
輕輕一彈，靜靜一音，尖尖只係微微觸踫琴鍵一下，細雨綿綿，收儉，含蓄……
然後逐漸加密音符，變得豐富，跳躍而動感，好似曙光初現，變得快樂，色彩豔麗，
有如嫩綠草叢上，兩人手拉手奔跑，歡欣，我感覺到春天o個一種斑斕既溫馨
進入最高昂既部份，芷悠既左右手十指猶如打字機咁，響琴鍵上高速舞動，
最變態都仲係佢除左手指瘋狂跳動外，身體其他部位都仍然保持冷靜平和，個樣仲要好輕鬆
高昂既部份將整間酒店既人客都吸引住，短褲T-Shirt既外國旅客、西裝畢挺既行政人員一一都走過黎
欣賞呢位不知名既女仔著住碎花長裙，平底涼鞋既女生猶如國際鋼琴家既傾力演出
當長達兩分鐘，氣勢磅礡既一節完左之後，整首歌進入一個無重狀態，
好似穿梭機以爆炸式既升空，高速轟上空中，直至衝出大氣層之後，就開始響太空浮動一樣
整首鋼琴曲幾得游離，當中仲加插爵士樂風既音符，令章節變成另一種氣氛，
唔再係悠揚怡人，反而令人感覺到一份孤單，哀傷同無奈，大量既停頓位，段與段之間既空隙，
爵士樂既和弦，加上寧散既主體，間中仲有D似Chet Baker 既一首歌…就係唔記得邊首…
觸動人心既深處o個一份孤寂，我終於明白點解芷悠要帶我黎呢度
當Chet Baker一段進入尾聲，最後加上慢慢既幾粒音，我聽得出係頭先一開頭既序，
係o個段令人難以忘懷既前章節，令我又諗返起六分鐘前岩岩奏起時既感覺…
然而感覺就係同頭先唔同左，經過六分鐘後，第一秒同最後一秒既感覺響同一個音符下，
已經由驚喜同喜悅，變得失落又孤單，一首六分鐘既歌曲可以有咁大既變化…
琴聲終於靜止，演奏亦完畢，酒店大堂所有既人都拍手掌，仲有人歡呼
突然間，酒店大堂變成左大會堂演奏廳，大家都為著呢一曲既鬼哭神號難掩讚歎既神色
芷悠起身，大方咁微笑，向前鞠躬，就返到黎我身邊…
餐廳經理仲走過黎問佢拎Contact，問佢可唔可以間中黎演奏，高時薪聘請…
芷悠微笑一下，然後同經理講：多謝你俾呢個咁好既機會我，可惜我今晚就要飛去移民澳洲
經理覺得好可惜，同芷悠握手後就離開，仲有幾個人上前稱讚，有個鬼婆俾左張卡片芷悠，
仲有一個中年女人問佢可唔可教佢個女琴………(大家有自信的話，真係可以咁樣招攬學生)
芷悠響萬千星輝既當中撓住我隻手，拎返住束花離開酒店
一路上，佢都保持微笑，一路上我地都冇講過野，一路上都帶住康乃馨既花香，夕陽已過
尖東亦比維港海旁幽靜，我地沿住海邊走…
最可怕既唔係兩個人抹面然後企響條街度互數，
而係心存不安既因素又抑制情緒，繼續並肩而行，不發一言，因為咁樣，你個心仲多野諗
芷悠依家究竟諗緊乜？我應唔應該開口問？我地究竟要行到去邊？佢凍唔凍？肚唔肚餓？
難捺局促既氣氛，我終於打破沉默
我：芷悠…
姐：唔？
我：唔………都唔知妳…原來都聽Chet Baker
姐：響你間房偷黎聽…好聽！
我：佢咁多歌好聽…點解特別鐘意依一首？
姐：唔………因為個歌名改得好
我：哦………唔……
姐：我地食咩好呢？
我：唔………………芷悠，我愛妳
姐：我都愛你