[真人真事]唔知你地既初戀係點架呢 我既初戀係咁: 相識(中)
老實講我一開始以為係亂嗡，點知差唔多到果日果陣班畢加索真係約晒時間，咁當時既我就覺得一男三女好似大食左D，就叫埋D睇落算係玩得果D既一齊去
原本約埋去食早餐本來相安無事，硬唔知點解塔船果陣氣氛好奇怪，我地6個人一上船一粒聲都無出過，加上後面有班MK仔MK妹係度喪嘈，仲顯得我地更加奇怪，我心諗 喂!我地去玩喎，唔向左走向右走係約埋去自殺喎
就係呢個時侯，MIKI終於肯開聲，但係佢講既第一句野係"我地不如一陣放低D野就游水丫" 當時全部人都話好，係得我一個唔出聲 我果陣諗唯一可能性就係得我一個唔識游水，去到之後我地好識揀咁揀左最刺激既自殺聖地"東X"去住 仲要揀埋對住海既"熱門地點"
咁順利放低晒D野準備落沙灘游水果陣，我雙手摸住個肚，微微咁灣低個身，用一種好似好心急但又唔係好急既聲線同佢地講"你地游住先" 我果一刻覺得我係呃到全世界，希望係我扮痾完屎之後出去見倒佢地已經游完，但其實係無可能既事，我諗住唯有落去沙灘問下佢地不如我地6個人一齊玩堆沙啦咁
不過驚喜既係我出到去之後班人都唔係游水，係好淺水既地方玩沙灘波，我見到咁，緊係扮晒野狗衝同佢地玩啦，但係唔知點解我果陣發覺沙灘波係一個好神秘既遊戲，大家一路玩就會愈行愈水深既地方，原本D水到膝頭 變左到條腰，係我開始已經驚驚地果陣一個細浪打埋黎，全部人一齊仆係度，我當時無好MAN咁捉住MIKI，因為我已經比MIKI捉住左，果陣我都唔覺得無面，因為我已經飲左幾啖水，無時間理有無面，起返身之後大家都發覺個神秘既沙灘波已經去到水平線既盡頭，之後我就同大家一樣扮無引咁上返岸。
上返岸之後我唔記得邊個人話踩單車 跟住.....