血色迪士尼: chapter 7

7 )


「好彩你都無事。」看到阿飛後我立即走前跟他說。


「你地點會走左黎呢邊，其他人呢？」阿飛看到我後表情甚是緊張。


「我地同阿Man佢地走失左，都唔知佢地有無事。」我回想起發叔的情景，說話的聲音帶點顫抖。






「你地唔係匿埋係餐廳咩，點會走失左？」阿飛聽罷繼續追問。


我把我們準備前去幻想世界區域尋找出口的事告訴了阿飛，當我道出發叔被布魯圖咬下了頭顱後，阿飛情緒突然變得激動，而且整個人身子軟了下來跪在地上抽泣。


這時候，在這裡的一名少年走到阿飛身旁並擁他入懷內︰「唔好咁啦，世怕嘅死唔關你事。」






聽到那少年所說，我才驚訝發叔原來是阿飛的父親。


「都叫左佢一早走架啦，點解要跟住黎呀﹗」阿飛的語氣非常激動。


「唔關你事架，你都唔想架。」那少年繼續安慰著阿飛。






「係我衰，我早d同佢講我係基嘅，佢就唔會偷偷跟住我入黎，就唔會攪成咁﹗」阿飛用力打左地上發洩情緒。


阿飛的說話令我們感到驚訝，雖然我不反對同性戀，但因為這樣間接令發叔死去，令我的心也感到不安，這時候阿飛突然發狂抽搐怒吼，連他身旁的少年也被嚇得後退了。


「佢做咩野事呀，發羊吊？」揮手示意我們進來的那名男子問道。


「唔知呀，快d幫手撳住佢，唔好比佢咬利。」那少年急切的向那男子道。


看到阿飛的情況，我突然記起在公司曾經學習了一堂急救教導，我隨即從褲袋取出了錢包塞進阿飛的口裡，以免他咬到舌頭，不一會阿飛慢慢回復過來，我們才鬆下一口氣。






「唔該晒，我叫Wynne。」那少年Wynne把錢包還給我並向我道謝。


「唔駛客氣。」


我接過錢包後發覺錢包有著一個小洞，而且是刺穿了整個錢包的小洞，我不禁打量著阿飛，因為他的牙力真的很驚人，阿飛開始已無大礙，只是氣呼呼的坐著，這時候其他人走到我們這邊互相自我介紹。


「我叫阿濤，同老婆失散左，你地有無見過？」那名揮手叫我們進來的男子阿濤拿出手機，把他太太的照片給我們看。


「我地無見到，我叫阿欣，佢叫係Ceci。」跟隨我們進來的兩名校服少女，啡金色長髮的叫阿欣，而黑色短髮的叫Ceci。






或許這裡的光線比較充足，阿傑看到阿欣跟Ceci後目不轉睛，令阿欣跟Ceci感到尷尬，接著還有兩人跟我們打招呼。


「我叫阿輝，佢係Jenny，今死實死無生喇。」阿輝的身材很肥胖，看著他我感覺到他連跑步也有點困難。


而阿輝身旁的Jenny只是微微點頭跟我們打招呼，Jenny的膚色很黑，而且一頭清爽的短髮，感覺像一個男子比較多。


我們互相介紹了過後，就開始互相討論現在到底發生了什麼的一回事，而除了我們所遇到的米奇老鼠、高飛、布魯圖、三眼仔、巴斯光年和史迪仔外，阿濤他們沒有遇到其他怪物，只有阿欣及Ceci在反斗奇兵大本營看到怪物版的胡迪。


「你地有無見過迪士尼嘅員工？」討論了一會，我向其他人問道。






因為除了可以從員工身上知道有沒有其他出口外，我有點奇怪發生了事件後，一個迪士尼樂園的員工也沒有見過，而他們的答案也是同一樣沒有。


「你地覺唔覺得奇怪，點解今日樂園好似比平時少人，而且d員工全部都唔見，就連屍體都無。」我再繼續向他們說。


「你咁講又係喎，究竟會唔會係有乜野陰謀，迪士尼嘅人整d怪物出來殺我地？」阿濤開始滔滔不絕地發表意見。


「唔會掛，我地又無得罪佢地，同埋怪物喎，點整出黎？」阿輝也跟著回應。


「等一等，阿翔頭先話今日好少人，我想問下你地今日係咪買飛入黎玩？」Jenny突然向我們問道。






「唔係，我地有coupons。」我拖著詠琳的手回應Jenny。


「我地兩老婆都係有coupons。」阿濤也跟著回應。


「下，我地都係用coupons喎。」阿欣跟Ceci異口同聲地道。


「你地都係？同埋係咪指定今日用？」Jenny跟著向其他人把問，當他們也點頭示意後Jenny續道︰「首先我地呢到咁多人都係用coupons入黎，仲要指定係今日，呢樣野會唔會太過巧合？」


我們聽著也感到錯愕，接踏Jenny繼續向我們提問。


「你地d coupons邊到得返黎？」


「我唔知，媽咪比我。」詠琳立即回應Jenny。


「我地係網見到好平咪買囉，早知就唔貪平啦。」Ceci言語間感到後悔。


「張coupons我老婆都係上網同人買返黎架﹗」阿濤也接著說。


「我地都係上網買。」Wynne照顧著阿飛回應。


「我同肥輝都係。」Jenny說罷，目光落在沒有向我們回應的阿傑身上。


「我......我張飛都係上網買。」阿傑的說話吞吞吐吐。


「shit，睇黎網上面買飛比我地嘅人有古怪﹗」Jenny綜合了大家的答案後道。


「我地d電話而家又全部收唔到，唔通真係有陰謀？」阿濤的說話直刺到我的心底裡。