羊生與羊太的日常軼事: 尿壺

「你係鼻敏感定係傷風呀﹖」羊太見我不停流鼻水打乞嚏，忍不住問我。

「鼻敏感呀，比啲塵搞到個鼻好痕。」

「駛唔駛買個鼻壺比你呀﹖」

「咩鼻壺﹖」

「洗鼻嗰啲呀，用鹽水洗鼻會好啲㗎。」





「咁買個尿壺比我好啲。」

羊太沒好氣道﹕「買個尿壺做乜﹖」

我笑道﹕「比我瞓覺疴尿時用囉，唔駛落床去廁所。」

「咁比個水樽你得啦，駛乜買尿壺﹖」

「哈哈！水樽個窿唔夠大喎。」





羊太笑道﹕「我唔信！」

我淫笑道﹕「係唔夠大，你知㗎！」

羊太﹕「咁剪大啲囉。」

「剪大啲咩呀﹖」

羊太﹕「個樽窿呀！」





我笑道﹕「我仲以為剪其他嘢添！」

羊太哈哈大笑﹕「咁唔係剪，係削幼啲。」

我笑駡﹕「你痴線㗎！」