羊生與羊太的日常軼事: 病假

羊太將會返一份新工作，她正在檢視合約上的條款。

「病假呢，應該有幾多日㗎﹖」羊太問。

「唔知呀，你自己上網check吓勞工法例啦。」

「咁呢，有咗BB係咪病假咁計㗎﹖」

我白了她一眼﹕「香港係有產假㗎，有咗BB唔係等於有病呀。」





「呀係咩﹖」

「係呀，你要生仔唔代表生cancer呀，BB唔係一種病嚟㗎老婆。」

「哈哈，咁啲大肚婆成日都嘔，唔係有病咩﹖」

「你就有病！你夠成日問啲白痴嘢啦，咁你係咪低B呀﹖」

「咩啫咩啫！你就低B！我見到你個樣夠想嘔啦，一定係你有病！」





「點解你想嘔會係我有病﹖」女人的邏輯就是這麽奇怪。

「你咁樣衰仲唔係有病﹖哈哈哈......」

「你智力有問題先至有病！」

「你智力先有問題呀！」

我兩手一攤﹕「係呀，我都覺得自己係低B，真係低B先會娶你返屋企。」





「你講咩話！」羊太已經一個枕頭車過來。