羊生與羊太的日常軼事: 「罅」

我又執筆忘字了。

我馬上問我的人肉字典﹕「老婆，腳趾『la』個『la』字點呀﹖」

羊太﹕「嗯......我知道係好多筆畫嘅。」

我沒好氣﹕「喂唔該Thank you哂喎，我即刻知道點寫囉，好多筆畫嘅.....」

「咩啫！咁係好多筆畫嘛！」





我在思索著這個字是甚麼部首，又或者大概是甚麼樣子的卻不得要領。

我瞄了羊太一眼，瞥見她的事業線從小背心裏若隱若現......

我靈光一閃﹕「呀！我諗到啦！好似係『缶』邊，然後右上係『虍』，但右下係咩呢﹖」

「右下好似係『乎』。」

我馬上用速成輸入「人木」，果然找到了。





「Yeah！搵到啦！頭先我係咁諗腳趾『la』，都諗唔到『la』字係咩樣，但我一諗波『罅』，就即刻諗到啦！」

羊太二話不說瘋狂掌摑我。