羊生與羊太的日常軼事: 新女同事

這晚跟羊太看戲後，乘地鐵回家。

在地鐵車廂裏，羊太道﹕「我公司嚟咗個新女同事，佢......」

我馬上截住了她﹕「你個新女同事靚唔靚先﹖」每次聽到她說有新女同事，我必會問這個問題。

羊太瞪了我一眼，然後認真想了想，道﹕「嗯......都ok㗎。」她倒會認真回答我，但一個白眼是少不了的。

我又問﹕「幾歲呀﹖」





「廿頭囉。」

妙齡女郎﹖正！

我馬上道﹕「介紹我識！」

羊太鼓著腮捏了捏我的臉頰，沒有回答我。

我竭而不捨﹕「佢幾高呀﹖」





羊太答﹕「高過我囉。」

我失笑道﹕「其實都好難有女仔會矮過你囉！」以羊太的高度，的確很難找到一個比她矮的女孩。

她嗔道﹕「咩啫咩啫！」

我笑道﹕「咁佢係咩cup呀﹖目測。」雖然我只是逗著她玩，但老實說也很想知道。

羊太馬上轉了個臉面，拍著我的臉頰，佯怒道﹕「咩話﹖咩cup話﹖」





我臉頰承受著她的拍打，笑道﹕「我係問她係咩級別呀。」

她「哼」了一聲﹕「sales呀。」

我又繼續笑問﹕「咁究竟佢係咩cup啫﹖目測。」

地鐵車廂又再度傳出臉頰被拍打的聲音。