羊生與羊太的日常軼事: 有尾豬

羊太突然走進房間跟我說:「你頭先喺電視賣廣告喎！」我們經常取笑對方是豬，所以我知道她的意思是看見豬在廣告裏出現。

我笑問:「咩廣告呀﹖」

「季季紅有米豬。」

甚麼東西來的﹖我聽不明白。

「咩嚟話﹖」我再問一次。





「季季紅有尾豬呀。」羊太有時候會口齒不清，這次她大概將「米」唸成「尾」了。

我笑問:「有咩豬係無尾㗎﹖」

她也知道自己唸錯了，咭咭笑道:「係有米豬呀，唔係有尾豬呀！」

我沒有理會她，調侃道:「我知道咩豬無尾，你呢隻豬咪無尾囉。」然後我笑著拍了她的屁股一下。

羊太笑駡:「你先係豬呀！」





我笑道:「係呀！我係有尾豬呀！我條尾生喺前面㗎！」

羊太笑著打駡我:「死人咸濕豬！」