羊生與羊太的日常軼事: 人肉app

無記正播放近期大熱的韓國旅遊節目—流行首爾。

女主持在購物時，在數貨物上的價錢牌﹕「個十百千萬...呢件衫要十五萬圜，即係幾錢呀﹖......計落要一千蚊港紙左右喎......」

羊太聽到後就問我﹕「即係兌幾多錢呀﹖」

「你當一千圜兌七蚊港紙啦。」

接著女主持又在介紹另一件衣服﹕「嘩！呢件要成九十萬圜呀！」





羊太聽到後心算一下，最後還是問我﹕「咁即係幾錢呀﹖」

「六千零蚊啦。」

羊太聽到後又心算了一會兒，然後苦惱的問﹕「咁即係點計呀﹖」

「你將個價錢減兩個零，再乘0.7。」

「咁即係除左10乘0.7呀﹖」





「唔係呀，係除100再乘0.7呀。」

「咁即係乘0.07呀﹖」

我給她搞得有點不耐煩﹕「唔係呀，係乘0.007呀......一係你當係円咁計，喺後面減多個零都差唔多啦。」

羊太又開始心算，但我看她快要當機的樣子，馬上道﹕「算啦算啦，你連円都計唔掂，計乜鬼吖。」

羊太尷尬一笑﹕「咩啫，我用app計咪得囉。」





我沒好氣的看了她一眼﹕「你個app咪我囉。」

羊太甜甜一笑，摟著我的手臂道﹕「係呀！你咪係我個人肉app囉。」

我笑道﹕「我係人肉鴨先真，專係服務你嘅。」說罷我用手指挑逗她的下巴。

羊太臉紅了一下，笑著推開了我﹕「走啦，今晚唔要你服務呀。」

我死纏著她﹕「老細你買咗鐘啦喎，唔做都要比錢㗎喎。」

她嗔道﹕「唔要呀！唔要呀！我無買鐘呀！走開呀！」

我嘿嘿淫笑﹕「唔做都要比錢㗎！無謂嘥咗佢啦！」接著我一把抱起了她。

「嘩！救命呀！」