《我要追番我老婆》: 花絮8

「喂死嘢，點解你去New Zealand影嗰啲相全部都影唔正嘅﹖」小惠看著我在紐西蘭旅行的照片道。

我淡淡然道﹕「我諗住我喺側邊留返個位俾你㗎嘛。」

小惠大喜﹕「咁你係咪會帶我去New Zealand玩呀﹖好呀！我想去好耐啦！而家去嗰邊啱啱係夏天，唔駛帶咁多衫。我哋係咪會自己揸車呀﹖有無啲camping car有天窗可以睇星星㗎﹖聽人講南半球啲星星特別多特別靚㗎！不如我哋買部相機去影銀河囉！我上網睇過啲相真係好靚呀！......」

就在小惠口若懸河，滔滔不絕之際，我打趣道﹕「駛乜咁麻煩啫，我剩係諗住將你個樣剪落嚟，key番落去就當你去過啦。」

小惠聞言使勁拉扯著我兩邊面頰﹕「你話咩話﹖比個機會你講多次！」



「禾...港胡....到......嘢......啦......」