《我要追番我老婆》: 花絮4

********************************************************************************************************************
「小惠呀，話時話呢，你點知我啲胎記生喺手臂同腳板㗎﹖」某天晚上在家看電視時，呀鋒問我。

可不能讓他知道我曾經找私家偵探調查過他，於是我道﹕「你第一次救我嗰日，我就見到你手臂上面撻胎記。跟..跟住我之後成日去睇你踢波，咁...咁有次咁啱見到你除哂鞋襪休息喎，咪見到原來你腳板底都有囉......」他會相信嗎﹖

呀鋒想了想，笑道﹕「乜你睇人哋腳板底咁變態㗎！」

我紅著臉嗔道﹕「你就變態！」我暗呼一口氣，看來他沒有懷疑。

呀鋒又問﹕「咁你又會知道哂我啲生日呀、血型呀咁嘅﹖」



我心念電轉，馬上想出一個理由﹕「我...係託朋友，託上託咁喺你班friend度問返嚟㗎......」其實我說出來也有一點心虛，還好他沒注意我的神情。

他聞言抱怨道﹕「嘩！邊Q個咁無口德呀﹖爆哂我啲嘢比人知！」他頓了頓又道﹕「不過連我血型都知，我諗都係嗰陣同我一齊喺學校捐血嗰幾條友。」

我聞言大驚﹕「咁...咁你而家同佢哋仲有無聯絡呀﹖」他不會找那些人來求證吧﹖

「無啦，佢哋叫乜名我都唔記得嚕......」

我提到上喉嚨的心馬上放下來。



呀鋒打爛沙盆璺到豚﹕「咁你點知嗰陣我要同Fiona表白嘅﹖」

我眼珠子一轉，道﹕「我...我跟蹤咗你好耐呀嘛......咁嗰陣睇你個樣手騰腳震，又緊張到死，咪估你係同佢表白囉......」

他笑道﹕「乜我嗰陣個樣真係咁緊張咩﹖」

嘿嘿！看來他也相信了，他真的很好騙啊！

我沒好氣道﹕「你成個狗公發情樣咁，盲嘅都睇到啦！」



呀鋒聞言馬上撲到我身上，笑著在我臉上亂嗅亂吻﹕「係咪即係咁呀﹖汪！」

我笑著打駡他﹕「依！死開啦旺財！」
********************************************************************************************************************