我最錯，在鬼節遊船河: 第十七節

看見輝爸的情緒稍為穩定下來後，我便扶著陳偉行到急症室外的等候處。
 
子嫣見狀立刻走來幫忙：「點呀？細輝佢有冇事呀？」
 
「細輝佢死左啦，頭之細輝仲上左佢身。」我指著陳偉說。
 
「吓？鬼上身？」子嫣露出了一個驚訝的表情。
 
我示意子嫣盡量壓低聲線，因為這種事對其他人來說是天方夜譚，即使剛才的我曾經親身經歷，可是此刻的我還是有點半信半疑。
 




「咁我地而家點？細輝會唔會係俾紅衣女鬼害死？」子嫣續問。
 
「我要報仇！」
 
「吓？」
 
我憤怒得緊握著自己的拳頭，全身激動在震說：「我話我要報仇！好明顯細輝同卓盈係俾我地響西貢沙灘遇到既紅衣女鬼害死既！我唔會俾佢地死得不明不白！陣間等陳偉醒返我就會問佢有咩方法可以搞到女鬼永不超生！」
 
子嫣望著我不發一言。
 




「鈴……….鈴………..」突然間，電話的鈴聲響起。
 
我望著電話的顯示屏，來電號碼是「00000000」。
 
一個不屬於世間上任何國家的電話號碼。
 
我望著電話的顯示屏，來電號碼是「00000000」。一看便知這個來電不屬於世間上任何國家的電話號碼，亦即是說紅衣女鬼現正透過電話想與我聯繫。
 
本應嚇得驚恐大叫的我，現在只要一想起細輝和卓盈的死，內心只餘下對紅衣女鬼的仇恨，我沒有多想便按下了「接通」鍵。
 




「喂！」
 
「呼～呼～」和第一次接通了陰間的電話一樣，聽筒傳來的是空洞的呼吸聲。
 
即使再衝動和憤怒也好，聽到那不屬於人間音域的聲音，內心還是壓抑不住恐懼，我故意提高自己的聲線，振奮士氣說：「呼乜撚野呀！你講你係邊個，做咩要害死細輝同卓盈！」
 
「嘻嘻！我一直都企響你後面呀！嘻嘻！」紅衣女鬼傳來刺耳的冷笑，像在嘲弄著我。
 
我感覺到自己的頭皮在發麻，錐心蝕骨的寒意傳遍全身，有想過當自己以為眼前的狀況一切正常的時候，原來自己的一舉一動正被鬼魂監視著？
 
我立刻向前跑了數步，希望盡快離開紅衣女鬼，接著我轉身大叫：「我吊你老母！嚇鳩我！」
 
沒有！什麼也沒有！沒有紅衣女鬼，沒有什麼恐怖的景象，眼前看見的就只有醫院的正門入口，已經有了一定的心理準備，我四處張望查看是否有紅衣女鬼的蹤跡。
 
「………….」突然間，聽筒的聲音回復正常，即代表紅衣女鬼已經掛線了嗎？




 
「我吊你老母！你睇住黎，我而家就搵師父幫手，我要打到你魂飛魄散，永不超生！」我向著空氣大叫。
 
旁人看我也許在發神經而紛紛與我保持距離，我沒有理會他們的目光，因為其他人看來我的確是一個「痴撚線」的人。
 
一個人如果真的撞邪或被邪靈滋擾，應該怎樣尋找協助？上網或看報紙找那些所謂的「大師」？沒有太多人有類似的經驗，我只知道此刻，陳偉的出現，或許真的冥冥中自有主宰。
 
稍事休息後，陳偉的身體已經慢慢恢復過來，他說：「你頭先所講既野，我聽到晒啦，今次既事我諗只有我師父先可以幫到你。」
 
「要你師父出手？件事真係去到咁嚴重？」
 
「如果隻鬼可以透過電話同你聯繫，再加上佢曾經殺左你兩個朋友，我諗佢已經唔再係鬼咁簡單，而係一隻妖！」陳偉一臉認真的說。
 
我征了一征，事情不知從何時開始發展到不能預計的地步，只是我的內心沒有半點遲疑，不管用什麼方法也好，我也一定要紅衣女鬼血債血償！
 




我把電話遞給陳偉說：「咁你快啲幫我約佢啦！」
 
說完，陳偉便致電了他的師父，並相約在旺角的一間茶餐廳見面。