我最錯，在鬼節遊船河: 第五節

「細路，你係唔係見鬼呀！」
 
氣氛一下子沈寂下來，眾人亦屏息靜氣等待著我的回答。從他們的眼神我可以感受到他們對鬼的恐懼，細輝的眼睛亦已經害怕得差點從眼眶裡跳脫出來，而子嫣亦緊張的捉著我的手臂在震。
 
我在想，或許他們內心一早已經有了答案。
 
打從一開始，在這個不能接收到任何電話訊號的地方，船家突然間燃點了三支香之後，電話竟然接通了卓盈的來電。接著，從細輝與卓盈的對話，即使我們和卓盈互相身處同一個地方，可是亦諷刺地互相看不見對方，思前想後，被鬼蓋眼或正在被鬼捉弄這個解釋，是最合情理。
 
我從我的背包裡拿出了相機。
 




「我問你係咪見撚到鬼，你攞部相機出黎做咩撚野？」船家說。
 
「你唔好響度嘈啦，嘈到人心都煩晒！」細輝說。
 
我沒有理會他們二人的對話，只集中精神的在相機內找尋我發現紅衣女鬼的相片。「幸運」的話，紅衣女鬼會再一次在相內出現，而他們亦會相信我不是精神失常或發神經。
 
一直以來，對於鬼，有很多人說這是一個幻覺，或腦電波突然之間錯亂而讓人的五感造成失常。簡單點來說，如果一個人去警局說自己被鬼滋擾或尋仇，換來的就只有被人關進精神病院。
 
鬼，信則有，不信則無。
 




可是那句「嘻嘻！我終於搵到你嗱！」的既迥盪又鬼異的聲音，讓我確信鬼的確存在於這個世上。
 
找到了！
 
再一次找到那一張紅衣女鬼出現在我們合照的相片內，我把手蓋著相機屏幕說：「你地要有心理準備！呢張相係我響沙灘上面無意間影低既，至於你地信唔信相裡面既野，就睇你地啦！」
 
艇上的人無不神情凝重的互相對望了一眼。
 
超越人類認知，不是道聽途說，而是赤裸裸的第一身看那靈異照片，他們害怕和錯愕絕對可以理解。
 




「藍楠，張相係咪好恐怖架？我好驚唔敢睇……」子嫣捉著我的手臂說。
 
我拖緊子嫣的手道：「你驚既可以唔駛睇，有咩事我...... 我會保護你。」
 
「藍楠，我唔知張相會睇到啲咩，不過我有責任搵返卓盈，就好似你而家可以保護到子嫣咁！我知卓盈唔見左我地，佢而家一個人一定好驚。」細輝眼神堅定的說。
 
現在，只餘下船家還未有表態。
 
「個個望撚住做乜撚野呀？我大口哥做船家咁耐，嚇撚大架！鬼我聽過唔少啦，你地以為我怕呀？」
 
船家原來叫做「大口」。從他說話的語氣看來，我知道他只是在虛張聲勢。說時遲，那時快，大口哥一手搶去我手中的相機。
 
只見大口哥面色一沈，眼球卻在驚恐的無盡放大，其他人見狀，也探頭看相機的相片。
 
「嘩！屌你老母！真係紅衣女鬼呀！」細輝驚恐的在大叫。




 
大口哥害怕得全身冒汗，他立刻回到自己的座位，並拿出了剛才用剩的香分發給我們說：「好撚邪！真係好撚邪！你地唔好講咁撚多野，大家老老實實，誠心誠意咁裝返住香先！希望隻女鬼唔撚會搞鳩我地！」
 
大口哥握著三支香，並放在自己的前額位置。我們眾人也跟著大口哥的舉動，誠心的拜著。
 
突然間，海上泛起了層層的波浪………