《周瑜與周家庭的愛情故事》: 《V14外傳》

 
《V14外傳》
 
 
魔鬼山下，一間面積龐大地下研究所。
 
 
「慕巧，你點可以咁做……」
 
亞比迪用一雙深遠的眼神直視著黃月慕巧。




 
「老師……你點解要偷周瑜時空穿越同愛嘅資料仲想毀壞佢部時光機…」黃月慕巧不敢相信多年來仰慕著的老師是這麼一個人。
 
「點解…？」亞比迪出奇地冷靜，雙手放在背後一步一步走近她。
 
「…」黃月慕巧一步一步退後。
 
「唔怕同你講，」亞比迪微微揚起嘴角：「我好妒嫉佢嘅才華。」
 
黃月慕巧眉目深鎖，亞比迪繼續說下去，




 
「時空穿越，我由大學就研究到喱家，估唔到單單一個細路成績就會卓越過我，不過我好恩惠…但係，」亞比迪眼神一變：「我一早睇穿佢想借助時光機回到過去，喺佢發明成功過一刻我更加確定，我唔會俾佢喱種人才白白咁離開V14，周瑜一定要幫我哋繼續做研究，不過估唔到…最後你竟然阻止我。」
 
「咁點解你要偷周瑜嘅研究資料……」
 
「既然佢都想離開，咁我拎佢資料有問題？萬一佢逃走嘅時候拎哂時空穿越嘅研究資料走，我哋組織放咁多資金落去就全部都功虧一貴。」亞比迪走上前拿起桌上時空穿越的資料：「幸好，佢走嘅時候無拎到任何資料走，係咁嘅話無咗佢我都可以自己研究落去……用活人。」
 
「你……你點可以咁做，咁會違反科學道德！」慕巧說。
 
「慕巧，我哋只不過為緊喱個世界改變得更好，犠牲少少人係在所不惜。」




 
「但係我哋無權去奪取上天寶貴嘅生命！」
 
「上天？」亞比迪緩緩地說：「我哋就係神…我哋V14就係新世界嘅神！」
 
「你…你已經癲咗……」黃月慕巧一步一步退後。
 
「慕巧…你都係我哋其中一份子，我哋需要你。」亞比迪一步一步走向靠近門身的黃月慕巧。
 
「你想點…」
 
「慕巧，點解你鐘意嘅人為咗一個女仔返到過去，你都可以扮到若無其事咁…乜你真係唔在意？」亞比迪靠近她身前問。
 
黃月慕巧低頭望向地板：「只要周瑜開心…我並唔介意…」
 




「真係？你每日思念佢咁痛苦，佢就同另一個女仔喺第二個時空風流快活……你真係唔介意？」亞比迪在慕巧耳邊細語。
 
「我…我……」慕巧已經回答不出話來，雙腳軟倒眼框流著淚水的望向時光機。
 
「世界本來就係咁，只不過係俾虛偽嘅「愛」掩飾到好偉大。」亞比迪伸出一隻手給坐在地上的慕巧：「嚟，一齊迎接新世界。」
 
愛……本來就是空無之物。
 
「老師…我…我其實唔想周瑜就咁走咗去……」流著淚抽泣的慕巧伏在亞比迪胸膛上。
 
「想唔想搵番周瑜？」亞比迪凝視著慢慢關閉的時光機。
 
慕巧沒有答，但她內心知道自己的答覆是什麼。
 
「咁就加入真正嘅V14。」亞比迪就如上帝一樣，低頭望著慕巧。




 
‧‧‧‧‧‧
 
‧‧‧
 
‧
 
一個月後。
 
地下研究所數十名科學家站立在一間大型研究室中。
 
「要成功準確咁返到過去，我諗得周瑜教授先知道秘密所在，就算佢幫我哋成功咁研究時空穿越同利用愛穿越嘅理論，我哋始終唔知佢穿越之後生死，所以就由我哋繼承佢嘅實驗，就由你帶領V14嘅科學家，去搵番你畢生之中最愛──周瑜。」亞比迪伸出一隻手在一位女科學家身前：「歡迎我哋嘅主力研究員教授──黃月慕巧。」
 
一身科學家白袍的黃月慕巧雙眼沒有懸念的望向時光機。
 




「佢過去曾經聽過同睇過周瑜教授理論最多嘅人，所以有佢就會成功。」亞比迪說。
 
「首先，要搵…活人做實驗，最好係對愛充滿遺憾嘅人…因為佢曾經講過，時空穿越嘅時候對過去嘅「愛」執著越大，就越能夠成功。」說罷，黃月慕巧開始研讀周瑜所留下的《時空穿越理論》及《愛的手札》。
 
「周瑜……」
 
‧
 
‧
 
‧
 
 
「我要你回我身邊。」
 




──《V14外傳完》──