(青梅竹馬)逆。時光 - 結局一: (6)

~把鏡頭轉回飛機上~

「咁你記唔記得我曾經同你講ge夢想係咩?」 

「緊係記得啦，你果時係沙灘同我講，想做一個畫家，重叫我唔係笑你丫麻，但係同去杭州有咩關係?」 

「我係前排報左杭州間中國美術學院，佢係全國數一數二勁架。撇除避開你，我都想係果到進修下，為將來成為畫家鋪路。」 

「唔怪得啦。」 





「嗯，哈哈，不過真係估唔到喎。」嘉欣拖著我的手，而且把頭靠在我的肩膀上休息。 

「估唔到我咁都會記得?緊係啦，你講ge野我點會唔記得呀。」我神氣地說，並想像到此刻的我簡直帥呆了，嘉欣聽後一定心花怒放。 

「唔係呀...」

「唔係?哦，估唔到我咁醒會買到機票呢，哈哈，好彩依班機唔多人，我先買到你隔離個位炸。」我摸著頭傻笑說。 

嘉欣聽後捏了一下我的手，然後大笑道:「唔知醜，我係話估唔到呀哥真係會同左Shirley一齊呀。不過都正常丫，我係Shirley都會簡呀哥，又靚仔，又叻。係我咁蠢先會揀左你。」





「Er...哈哈，係咩，呀...以後請繼續多多指教，要你繼續照顧我啦。」我只好以笑遮醜。

「係啦，傻豬，嘻嘻。」嘉欣哄了過來，吻了我的臉頰一下，然後繼續睡覺。

我望著窗外的藍天，萬里無雲，就像我此刻的心情般，心境變得平靜。黑暗的盡頭，果然是光明。接著，我也閉上眼，靠在嘉欣的頭上睡了。就像中學放榜那時一樣。