(青梅竹馬)逆。時光 - 結局一: (1)

時間跳至畢業後的某天早上，嘉欣身處香港國際機場，獨自拖著行李。她停了下來，撥了一個電話。   

「喂。」嘉欣說。   

「喂嘉欣?搵我呀。」我按下了按聽鍵，好奇地問道。   

「皓天呀，我...我打黎係想同你道別架。」嘉欣的眼眶通紅，道別是為再次見面而鋪路，但這一別，會再見面嗎?  

「喂喂喂，無啦啦做咩道別呀。」我開始慌張起來，因為嘉欣莫名其妙的道別，令我腦海開始有點暈眩的感覺。   





「無左我睇住你，你自己好好照顧自己，Shirley係個好女仔黎，記住唔好蝦佢呀。天氣凍果時記住著多件衫，唔好冷親。朋友方面，一直係你弱項，不過只要你真心對待人，總係會有回報架。」隱約中，我聽到嘉欣啜泣的聲音。   

「等等先，做咩突然講埋d依d野?」   

「我重記得當日你問我，話如果你鍾意我會點，我果時並無答你，只係靜靜地對你笑了一下。我唔答你係因為我怕，我怕面對你，我寫左封信擺左係你台面，你睇完就會明白我講咩。其實我......我......我好鍾意你，不過請你忘記我，容我講多次，再見。」嘉欣說罷，便立即按下收線鍵，但強忍之下的淚水，早已沾濕了電話的螢幕。不哭，痛也不哭，要哭，就留在開心時才喜極而泣，這是皓天常告訴她的。   

再見?是再見，還是再見?