[家庭]係我屋企入面,我只係一個配角,一個可有可無既人: 妹妹有左

上左中七之後,個個同學都埋頭苦幹準備高級程度會考 

當然係除左我之外啦 

明明知自己唔係讀書材料,無謂曬時間 

但為左唔影響雪兒,我提議每個星期只出街一日 

『點解呀呀呀呀呀呀呀』睇黎雪兒唔太滿意我既提議 





『咁你要考A Level..』 

『你夠要考囉』 

『我點同呢...』 

『你又有乜唔同呀?』 

『我無可能入U架喇』 





『咁咪讀ive囉,我都諗住如果考得差就讀ive』 

『咁...到時再算啦』 

其實我呃左雪兒,我知道我根本係唔會再讀上去 

開始覺得前路茫茫 

我依舊都係藥房到做兼職,我宜個二十歲既小伙子已經成左公司既老屎忽 





好多年紀比我大好多既同事都要請教返我轉頭 

或者我真係適合做藥房,作為終身職業我都無咩問題 

當我無再活係大哥既陰影底下之後,我開始真正了解我自己 

我發現左自己鐘意釣魚,我個個星期日都去釣魚 

以前星期日我一定係陪爸爸媽媽飲茶,就算佢地明明無叫我去,我都會留低等佢帶埋我去 

宜家唔同 

我每個星期日都同我既朋友去釣魚,我可以返自己 

釣到既魚,我全部都放返落海 





『喂阿和,咁大條你都放生?』朋友A見我放生左條魚,忍唔住問我 

『哦..哈哈過下手瘾姐』 

『曬料左d喎,唔拎返去叫你阿媽蒸左佢?』 

『哈哈..』我根本無興趣解釋我屋企既事比佢聽 

係我釣緊魚既時侯,有人打電話比我 

係妹妹


我九秒九執好野,就衝去搵妹妹 





大哥講過,佢走左之後就係我最大,要睇住細佬妹 

我係有責任的 

妹妹坐左係Starbucks到等我 

『喂』我拍一拍妹妹 

『二哥』我見到妹妹隻眼喊完腫到成隻雞蛋咁 

『做咩事呀..』 

『我..有野想同你講呀..』 





『你咪講囉..』 

『我...』 

妹妹欲言又止,令我意識到今次唔係咁簡單 

『講啦』 

『你唔好話比阿爸阿媽聽喎..』 

『嗯,應承你,你講啦』 

『我...Period遲左..』 

『咩話?咩核遲左話?』 





『Period呀.....即係...我遲左黎M呀』 

『哦遲左咪下次早d囉.........』 

『唔係普通遲左呀...係...』 

『係咩呀?.....下??????????????????!!!!!!!!!!!!!!!!!!!!!!!!!!!!!!!!!!!!!!!!!!!!!!!』 

我已經意識到係咩事,我叫到成間Starbucks既人都望住我,妹妹見到我咁大反應,又喊了 

我連我個妹有拍拖都唔知,一黎就黎單咁突發既猛料 

我直頭有需要食脷底丸 

『二哥..對唔住呀』 

『咪住先,你遲左幾耐呀』 

『三個月..』 

『阿妹,三個月,應該唔係叫做遲左黎M,應該係有左』 

『嗚....』阿妹一味就喊 

『個男仔呢?』 

『佢係樓下呀...但係佢唔敢...』 

『打比佢啦,叫佢上黎』 

『二哥你唔好鬧佢喎』 

『得啦叫佢上黎』 

無幾耐之後,個男仔就上到黎 

樣子普通,唔明阿妹點解會鐘意佢 

『...宜個係我二哥』 

『你好』『o拍!!』 

未等佢自我介紹完,我就渣住張凳起勢咁扑佢 

『呀!!!』個男仔訓左落地比我當佢生魚咁拍 

『屌你老母...屌你老母』我無理到其他人,一味就拍,係咁車落去 

直頭妹妹喊住跪係到求我我先肯停手 

咁大個仔,都係第一次動殺意 


大哥講得岩,我係有責任的


我打到呀妹個男朋友豬頭咁既樣 

不過佢男朋友又幾硬淨,爆曬缸都企得返係身 

結果係我由送佢去醫院 

『你地諗住點』 

『....』兩個都唔敢出聲 

『打比大哥啦,問下大哥意見』 

大哥十分鐘就衝到黎醫院 

我大慨用左五分鐘解釋發生左咩事 

然後再用多五分鐘時間拉開大哥同阿妹男朋友 

『我打死你個仆街,唔好拉住我,我屌你老母,你我斬撚死你』大哥搶左人地吊鹽水個架係咁扑 

『唔好打啦大哥,打死佢喇』 

結果差人過黎分開左佢地 

『佢係咪打你呀』差人捉住大哥問 

『唔係,我跌親姐』 

『跌到咁甘?』 

『係呀,我跌親佢扶起我姐』 

大哥冷靜落黎之後,拖住妹妹行出去,我跟埋出去 

『知唔知有左幾耐?』 

『我停左3個月m...用驗孕棒驗過兩次...有左就幾耐就唔知』 

『阿媽知道未?』 

『未呀,唔好話比阿媽知呀』 

『唔講都好快知架喎』 

『咁點算呀』妹妹真係好驚 

『去私家醫院搞掂佢得唔得』我提議 

大哥無答我,只係望住妹妹,好似係想妹妹親口答我咁 

『唔好迫家琪啦,我會養大個BB,我都可以照顧好家琪架』爆缸男朋友唔知幾時行出左黎 

『你老味』我同大哥又想衝過去打佢 

『唔好啦,唔好咁啦你地』妹妹拼死拉住我地 

『照顧?你點照顧佢呀?我個妹從細食好著好,病都無乜點見佢病過,你話照顧佢?細路,我睇你連照顧自己都未可以喎』 

大哥接著說 

『仲有呀,我地一家人講緊野,唔該你唔好插口』 

突然,阿妹收到個短訊 

係阿媽 

『杜家琪,你同我即刻返屋企』 

大家睇到個訊息之後,都望住大哥,希望大哥會有主意 

『你肯定阿媽唔知?』 

『應該係』 

『咁行啦,返屋企』

『喂,你叫咩名呀』 

『我叫劉江華』 

『哇你個名好廢,你企係到等啦,等我電話』大哥叫阿妹男友留係樓下 

一打開大門,見到有一個驗孕棒既盒放左係到 

『我想問個盒係邊個既』阿媽坐左係沙化,望住電腦問 

『唔係佢架,個盒唔係佢架,係我架』我知道如果比阿媽知道左阿妹有左既話,肯定會家變,所以我打算認左佢 

阿媽望住我 

『個盒係琴日雪兒上黎用既...』 

『佢琴日上過黎咩?』阿媽行過黎 

『係呀,琴日你返黎之前囉..』『o拍!』 

阿媽一巴打左落阿妹到 

『咁...點解個盒會係你個妹個書包到出現』 

我一時語塞,望左妹妹一下,阿妹已經喊到收唔到聲 

『你令我好失望呀』阿媽都跟住妹妹一齊喊 

『咁..結果係點呀..』 

阿妹喊得更大聲,阿媽明白了,阿媽禁住個心口,一副呼吸得好辛苦既樣 

『媽,點呀』阿哥衝過去扶住阿媽 

『行開,你地個個都行開!!!!』阿媽崩潰了 

『一個二個都暪住我,養到你地個個牛高馬大,發生件咁既事都想暪住我,杜家和肯定係你既主意啦』 

『夠喇!!!!!!!!!!!係我做錯呀!!!!!!!!!!點解你又要鬧二哥呀』妹妹咬牙切齒睥住阿媽,我從來都未見過佢咁 

『阿妹唔好出聲』大哥喝止妹妹 

『媽,事情已經發生左喇,傾下啦不如』 

媽媽可能一早已經通知左爸爸,爸爸亦都提早左返黎 

阿哥捉左爸爸同媽媽入房,我就係廳到陪住妹妹 

無幾耐大家行出黎,爸爸比媽媽冷靜,亦都無發火鬧人 

大家都好清楚,鬧已經無意思,問題始終都要解決 

『家琪,叫個男仔上黎』大哥說 

『爸爸會唔會...』 

『放心啦,頭先係房都講得好清楚』 

阿妹就落左去接佢男朋友上黎 

『世伯你好,伯母你好』 

『我屌你老母』阿爸唔知係邊到變左支棍出黎追住阿妹個男友


阿爸由門口追到佢入房,房又追到去廚房 

阿媽又拎住張摺凳包抄

比本世紀兩大人間兇器追殺,我實在唔忍心睇落去

『喂,你地打死佢無用架喎』原來一早已經返左黎既細佬係房行出黎,坐係沙發一邊睇電視,一邊勸交 

『唔好打啦』阿哥拉住呀媽 

『喂,喂..唔好打啦..唔好打啦阿爸』我已經成年無叫過阿爸,或者係因為咁,阿爸聽我講停手 

『唉』阿爸同阿媽坐左係沙發,中間夾住一個細佬,細佬依然係睇緊電視 

『世伯,伯母你好,我叫劉江華』爆缸男友自我介紹 

『你叫咩名話?』 

『劉江華』 

『屌,咁撚衰既你個名』老豆又想執返支棍扑多獲 

『唔好打啦,再打佢叫爆缸華架喇』細佬依然係望住部電視講 

『呀爆缸華,請問你幾歲呢』老豆問 

『十七』 

『咁我想請問下你,你搞大左我個女個肚,你打算點做』 

『等我同家琪都十八歲既時候,我會同佢結婚』 

『結婚?你憑乜野同佢結婚呀』阿媽問 

『憑我可以答應你地,我往後既日子會好好照顧杜家琪』 

『你唔好口響響喎o靚仔』阿哥扮執支棍,嚇到爆缸華震曬 

『唔會,唔會,信我啦』 

『唉,我真係無眼睇,我好頭痛呀,細佬扶我入房』 

媽媽入左房關埋門 

『細路我同你講,兩個人相處,生活唔係一件咁簡單既事,你話你會同我個女結婚,你有錢架喇?』 

『我無,但我會退學,我會工作,我會努力,請世伯你相信我』 

我望住爆缸華,我開始有少少欣賞佢 

『細路,你屋企人知道未』 

『知道,所以以佢地叫我上黎向世伯陪罪,對唔住世伯』 

『唉,唔好廢話喇,叫你老豆老母出黎啦』