[家庭]係我屋企入面,我只係一個配角,一個可有可無既人: 不愛你們

自從果晚之後,除左訓覺之外,我盡量都唔會留係屋企 

我唔係驚左我阿媽,只係認為既然我都講得咁白,大家都無必要再扮落去 

我唔知道我阿媽有無將果晚既事話比阿爸知 

但我覺得除左我講左粗口之外,我唔認為我講既野係有錯 

疏遠父母既同時,最無辜既係細佬妹 





但我唔知點解想疏遠埋我既細佬妹 

我當然知道唔關佢地事,但係我只係想將自己收埋 

慢慢我將自己變到一個唔需要任何人既人 

開左學之後我依然係藥房到做兼職,每日放學落到去就做到收舖 

大哥有叫過我唔好做,專心讀書 





但我無理佢,我亦都無同佢講我打算讀完中六就搬出去 

大哥已經自己有頭家,我唔想大哥擔心 

我都開始諗通左 

自生自滅,總比為別人生存來得更有趣味 

每晚我都十二點幾一點先返屋企 





因為我好驚返到屋企時侯會見到父母 

我已經連見到佢地都唔想,每日打開大門見到間屋烏燈黑火 

我就會有一種好安樂既感覺 

我都唔知幾耐無見過我既細佬妹,不過都好既,比佢地習慣下無左我既生活 

又或者佢地已經習慣左 

其實係我訓緊教既時候,我知道爸爸其實試過好多次想同我講野 

但我扮訓教,我連一句野都唔想再同佢地講 

當我有好多野想同你地講既時侯,你地有無聽呀? 





唔好怪我,我只係模倣緊你地 

但我好多謝你地做個版比睇,等我第二時做老豆一定唔會學你地 

仲有我發現左我自己其實從來都唔驚我既父母,我只係愛我既父母 



我唔再愛你地,所以我唔再驚你地