[家庭]係我屋企入面,我只係一個配角,一個可有可無既人: 補習

到我會考果年, 細佬妹都已經上左同一間中學 

當然係一間比我果間更好既中學 

『家和, 你洗唔洗去補習呀? 會考喇喎』阿哥放工返黎仲見到我溫緊書就問我 

『我有問過佢洗唔洗補架,我有講過架』阿爸插口 

『係,你有講過, 但結果你有無比我去?』溫書已經令我頭瘟腦漲, 再聽到阿爸咁講忍唔住質問佢 





『喂你唔好咁講野喎, 你地個個有邊個讀書上面既野我盡量滿足? 』 

『係呀, 個個都有, 唯獨是我無囉』 

『杜家和你知唔知你自己講緊咩?』阿爸企係身, 裝兇想打我 

『你又想打我呀?無用架? 只係代表你講既野無道理,係,你係有問過我洗唔洗補習, 我答 
你要, 你叫我參加社區補習班呀, 細妹呢? 細佬呢? 補緊英皇呀佢地!! 』 

『你認為我比你去英皇, 你就可以考到好成績咩』 





『有機會』 

『有機會, 梗係有機會啦, 但好微囉』 

『去英皇咪去英皇囉, 學費等我比囉』大哥安撫我 

『唔好鬧二哥啦』細佬拉開爸爸 

『睇下你阿哥細佬對你幾好, 你仲成日針對d兄弟姊妹,你話你有無搞錯』 





『我無針對d兄弟姊妹!』 

『唔好嘈啦, 夜啦』阿媽拉返阿爸入房 

『我都唔知點解會生左個咁既仔』 

『嘿,你唔講我都唔知其實我都係你個仔』 

『唔係我個仔?! 咁你即刻走, 離開宜個屋企, 你唔係我個仔咁你係到做乜?你同我死出去!』 

我諗都唔諗, 頭也不回咁離開屋企 

離家出走