[FF] [甜故] AINYs──再說n次我愛你: Chapter 2 Part 2A - dESiRE

        上回提到為了盡力呃取OLE時數，我們一眾相熟的朋友決定參選今屆的學生會選舉，我們一定要贏！否則我們的呃時數行動就會失敗告終，競選工程無功而還。
 
        我們要想一個簡潔動聽而又能引起共鳴的內閣名－－「Change」奧巴馬用過，顯得有抄襲的味道、「NDSi」又顯得太俗，過於跟風……我望著我手中的Nexus One思考……Nexus One……叫「Nexus」好嗎？
 
        「你同Google賣廣告呀？」Cosine第一時間反駁我。
 
        「咁你有乜idea呀？」
 
        「Desire」
 


        「屌！咁你咪又係同HTC賣廣告！」我以其人之道還治其人之身。
 
        「有得解架！」Cosine繼續解釋「Desire係渴望咁解，可以代表同學對一個學生會嘅期望，而每個字母……可以諗下個意思……」
 
        「我諗到一個設計……」論到Theresa發言「就係細楷d、大楷E同S、細楷i同大楷RE，咁就可以砌到一個好靚嘅logo啦……」
 
        創意這東西，全由女生給意見，男生們一言不發。希望他們可以在政綱等方面給一些新的點子吧！
 
        「講真，年年個個學生會啲政綱都係話為同學爭取福利呀，繼續搞之前已經有嘅活動嗰啲咁。好難再有咩突破喎……」Tangent無奈地說。
 


        Sad but true.
 
        「是咁的，」Alex的燈泡突然亮起了「喺我講呢個idea之前，先戴一戴頭盔，費事你哋話我咩……若果搞番一個校花選舉work唔work呢？」
 
        「可能學校未必畀……始終有啲……咩……」我說「不過有機會過到關，我feel到而家個校長開明咗好多……mark低先啦！」
 
        「其實好嘅活動一個都已經夠殺。」Cosine說「我哋成日驚呢樣嗰樣，所以就好可能會走寶，乜進步都冇，要諗一樣有創意嘅嘢嘅原則就係：違反原則。」
 
        「唔……仲有冇其他嘢傾或者idea？」
 


        「我哋仲有一個好嚴重嘅問題，」Theresa提出「就係邊個做學生會主席？」
 
        「邊個個紀錄最良好？」我問。
 
        眾人將眼光望向我，我成為了他們的目標。
 
        「我？你哋唔係諗住我做主席嘛？好大鑊架喎！」
 
        「唔係呀……你又做過Prefect……」
 
        「就係做做下畀人炒先易畀人插呀嘛！」
 
        「你咪話當時年少輕狂唔懂事，」Alex說「經過咗一年喺社嘅工作令自己成長，更有責任……」
 
        「ALEX！」我捏了他臉龐一下「咁你即係話我老姐！」


 
        「好痛……停呀！」Alex哀求我停手「我咪仲老過你……」
 
        我這時才罷休。
 
        「仲有冇第二個更好嘅人選？例如個底靚過我咁……」
 
        「在座咁多位係得你一個知名度高之餘，個底叫比較好啦……」
 
        就是這樣，我就成為dESiRE的候選主席。
 
        開學之後，競選工程，正式開始。
 
        另一個候選內閣是PSP，閣如其名，是以一群喜歡打（＿）機的男生為主。暫時我的觀察：雜亂無章，一塌糊塗。
 


        我們似乎勝劵在握（好似係），但也不能掉以輕心。因此為了加強我們的宣傳攻勢以及人氣，我們印製了許多的閃卡（不是淫照，只是我們每位閣員的動漫化素描肖像，還寫上了我們的政綱），受歡迎程度遠超我們預期（尤其是我那一張），一日之間已把我們的700張存貨全部派發完畢，要大量加印。
 
        反觀友閣PSP，宣傳活動及攻勢遠不及我們。或者是因為他們平常只懂打（＿）機而不懂交際，再加上創意欠奉（雖然我們也不好得去哪裡），他們的落敗幾乎已成定局。
 
        學生會選舉諮詢會暨選舉正式開始。
 
        首先是每個內閣各5分鐘的首輪發言時間。我們先發言，毫無疑問，那5分鐘當然是由我主理，雖然是緊張，但最終也圓滿完成發言，贏得全場掌聲。
 
        輪到PSP，他們的言詞空洞無物，更談何流利自信？我認識該閣中的一名女生，去年她是橙社的幹事之一。在我印象中，她發言相當有力兼有自信，絕對不會像現在在台上說話的……毒撚（好似係）一樣。若果換著同她做主席，勝算最少提升百分之50。
 
        「多……多……多謝……各各各……位……」換來的是哄堂大笑，連我方才提到的那位女生也以雙手掩臉，無地自容，自知搭錯船。
 
        兩閣互相質詢……totally a disaster。
 
        其實Cosine也問過我類似的問題，但這一次是我問PSP。


 
        「俾人認為罪犯滔天嘅Sony就有一隻叫PSP嘅遊戲機，咁佢哋就涉嫌、懷疑坐咗時光機嚟抄你哋個內閣名。咁你哋認唔認為佢哋係罪犯滔天呢？另外，佢哋嘅PSP係解做PlayStation Portable，咁你哋個PSP又係何解呢？到底又係唔係一部遊戲機畀我哋玩？定係玩緊我哋呢？」
 
        問的途中，當我提到罪犯滔天的時候傳來一陣笑聲，問完更是全場鼓掌。
 
        我只見友閣主席站起來，欲言又止，又見那女生向主席示意由她回答，但他沒理會。
 
        接下來，是兩分鐘的寂靜和忍笑。
 
        「時間到。」主持人宣佈。
 
        我一招已能把他收皮，而台下同學的發問更令他們回答不來，而那女生也心灰意冷，無心戀戰。
 
        與其聚焦在友閣的廢噏，倒不如聽聽我們的妙問妙答。
 


        「一直以來，坊間都有大大小小的選美活動。而不少更被指有品味低俗、賣弄色情、貶低女性。你們如今搞所謂的校花選舉，到底是有何用意？和這種的風氣同流合污？純粹因為人有我有？還是只係為搞而搞？多謝。」
 
        認真，我真的沒想過舉辦目的，不過沒有問題，要想一個都其實唔難。
 
        出現了。
 
        「多謝呢位同學，」張敏蔚……臨場發揮啦……「其實好多人都對校花呢類選美活動可能會有一啲負面印象……但係我哋就住呢啲憂慮，我哋盡量譬如喺衣著方面避免過於性感之類。咁另一方面，其實我哋搞呢個活動係絕對無意跟風或者貶低女性嘅目的，我哋希望同學能夠喺參賽過程中有一個專業嘅形象指導，改善自己儀容外表同埋增加自己嘅自信。當然，OLE都係一個好重要嘅因素，等同學可以有更新鮮嘅活動嚟參與，增加佢哋嘅意慾。」
 
        這才是答題，明白嗎？ 
        投票剛剛結束，現在進行點票。
 
        我站在李sir旁邊，他是學生會的負責老師，也是我的ICT老師。
 
        我只見桌上的選票一張張從箱中倒出，我才舒了一口氣－－十居其九都是投dESiRE。而PSP方擺出一副「Who fuckin' cares?」的樣子，似乎敗劵在握。
 
        「候選內閣dESiRE獲得票數為1001票，候選內閣PSP獲得票數為101票，無效票33張。候選內dESiRE當選。」
 
        我們一眾閣員歡呼慶祝，雖然預知會贏……但我們仍然很興奮……我情不自禁擁抱著Alex，還吻了他臉頰一下。
 
        這裡是學校禮堂，幸好我們的動作沒有給老師發現。這個時候，李sir走過來祝賀我們，說我們破了最高票數當選紀錄。
 
        「自從呢間學校有學生會之後，從來未試過有內閣係過千票當選，你哋真係……」
 
        「其實唔係我哋勁，只不過係……」我別過臉「對手渣姐……」
 
        「哈哈哈……」
 
        我是學生會主席。
 
        和去年一樣，又有一個疲勞轟炸式開會宿營。因為競選實在太累，開完會之後都爭取時間休息，甜的情節欠奉。