細細個見到嘅靈異事件勿語: （十七）中學 － 燒街衣

（十七）中學 － 燒街衣

七月節又稱為鬼節，有好多人都會有燒街衣嘅習慣。
通常我都會dup低頭急急腳走開。

可能有好多巴絲都見過，燒衣果陣嘅四周圍，
其實會聚左好多「佢地」係隔離等收野。

細個有次行返屋企，附近有燒衣，我見住有一，兩個白影企響燒野個婆婆後面。
然後一路燒嘅時候，好快就有七至八個人形白影企響火堆附近，




個頭垂得好低，一個一個聚係到等收野咁。

七月節周街陰氣都比較重，又可能係環境氣氛影響啦，
我總係覺得，果段時候，會多左人見到我見到嘅野。 
咁都幾好。

話口未完，差唔多返到屋企樓下門口，有個妹妹蹲響側邊到喊，應該叫抽泣。

背向住我，一面「嗚嗚嗚嗚」咁喊緊，聲音唔大。





我望入去閘入面阿看更，吖，訓緊。

聽聞好似話細佬仔呀，動物呀，好易見到果味野，我諗，個妹妹係咪都見d燒街衣所以嚇親呢。

「鳴鳴鳴鳴…」

「喂，小朋友，妳媽咪呢？」我行近問。

「鳴鳴鳴鳴…」繼續佢有佢喊。





「喂，小朋友，妳係咪都係住呢道？」我指一指樓上。

「鳴鳴鳴鳴…」 佢無應我。

然後…

人類，總是重覆犯錯。

可能係個妹妹嘅喊聲同輪廓實在太實在喇，我果刻竟然完全沒有為意，
呢個夜媽媽蹲響路邊嘅妹妹，原來都係…

然後…我行左去佢前面。

響地下燒緊嘅香火隔離，我見到一張只得兩隻眼珠，無鼻無口既臉孔，
蹲左係路邊，一邊哄住地下盒燒肉，一面抽泣。





「鳴鳴鳴鳴…」

我吞吞口水，即時唔敢出聲，轉身就向看更閘行去。

快手禁密碼，開閘標入lift口。

隱約間，我聽到一下聲音。

好實在，好似一個老友嗌你個名咁樣。

=inherit嗌左我個全名兩聲。

我今次當然知道醒起，





千祈千祈，唔好應。

七月節，裡面真係有好多禁忌，大家可能都聽過唔少。
例如唔好半夜曬衫呀，亂執地下d錢呀，亂拍人膊頭等等等等。

而在這之先，首要嘅，都係唔好咁夜返屋企，同埋…

有人嗌你，千祈唔好望回頭。


燒街衣  參考圖片