細細個見到嘅靈異事件勿語: （二）搭lift

（二）搭lift

自細有個習慣，入lift一定癡住左右兩邊入去。
即係個背脊點都掂住條lift門入。
比阿媽小過好多次。就算到而家都有d避忌。

事源有次，放學返屋企，
細過咩個書包緊係跑跑跳跳架啦，唔通玩手機games咩。

黎到屋企架lift門前，lift打開，無人，我走入去。





我成個被撞跌左。

果下就係好似而家你玩緊手機，唔覺意一下撞到前面個路人咁。

而我，眼前乜都無。

我起返身，戰戰競競行入去。
無事無幹去到11樓，我住果層，
Lift門再次打開，同樣無人。





我望住lift外嘅走廊，日光日白，但好寒。

營住出去個下，又會有「人」衝入黎，
我小心翼翼走出去，無事...

如是者，

果排我間唔中都會比「出lift人」撞個正著，
撞完，乜都見唔到。





所以我索性癡住兩邊行，撞...都無咁應卦。

不過好奇怪，次次都係發生係入lift果時，
出lift，真係一次都未試過。

到而家咁大個，有時，一個人搭lift，
開門果下都總會營住，我踏呢步入去，

會唔會又唔覺意...


圖片參考

ig : donotsayhello