【現場直播】365日浪漫進行曲: 第二十八章 : 做定吾做？

第二十八章 做定吾做？
 

「杰仔，食多塊魚呀～」
 
「多謝呀姨。。但我唔係點食海鮮。。」
 
「點解呀？你敏感呀？」
 
「唔係。。只不過唔鐘意個種味。。同埋我自己有養魚。。可能都有d關係。。」




 
「咁。。我去整多個菜」
 
「呀姨！唔洗！真係唔洗！已經好豐富啦！我真係好來未試過咁豐富」
 
事實上，真的很久沒看到這麼豐盛的晚餐，五個人卻準備了八個菜，又海鮮又燒味又肥牛。當然吃什麼只是次要，重點是我竟然能安然無恙地坐在這?，還享受著客人的待遇，或許是比其他客人更好的待遇，全因為。。
 
「佢係我男朋友，就係先前同我求婚個個」
 
正當大家一面厭惡地面對撲面的臭味，同時發現衣櫃中表情尷尬的我，那一刻無論是我還是王倪清的家人，都顯得有點不知所措。倒是王倪清懶洋洋地過來看了我一眼後，拋下了上面這句話，之後




 
「話！好臭呀！你地聞飽佢！痴缐」
 
接下來，就來到現在的晚餐時間。王倪清的父母整個晚上都沒有問，關於我為何躲在衣櫃的問題，只是談起一些我工作和生活上的話題，感覺對方有意迴避昨晚的源由，反而她的姐姐曾嘗試聊起這個話題，但每次都被呀姨硬生生地轉移話題，整個餐桌的氣氛顯得十分不自然。我其實內心更想去解釋事情的箇中緣由，只是苦苦尋找卻沒有機會，直到我踏出這個大門時，大家依然是客氣得讓人窒息。
 
「點解你呀爸呀媽唔問原因？」
 
王倪清剛好到便利店買點東西，所以與我一同出門，雖然我知道這只是個藉口。
 
「問咩野者，事實擺明係咁」




 
「咩事實擺明係咁呀！咩事實呀！」
 
「男人老狗，你真係好鬼婆媽！」
 
「頂你！咁我係咩都無做過喎！」
 
「咁你想做？係唔係？」
 
。。。。。。。。
 
好吧，凶狠的女人特別讓人驚訝，我只能把嘴閉上，踏上回家的路途。當我們走到路囗時，大家準備走向不同方向，我的手被身後拉上，不禁回頭看著王倪清，她眼神出奇地堅定
 
「做定唔做？」