【現場直播】365日浪漫進行曲: 第二十四章 : 薯條番茄汁‏

 第二十四章 薯條番茄汁‏


一陣熱流從頭頂沿著面額流到衣服中，我疲倦地睜開眼睛，從頭上抓了一把薯條在手上

？？？

「屌！做咩咁多薯條係我個頭到！」

「仲有茄汁添！！」





我從椅子躍起，在薯條飛花中回頭一看，只見王倪清手持著一包茄汁，一面凶神惡殺地向我「射擊」，低頭一看，只見身上已經中了數槍，鮮紅色的液體遍佈在衣服上，彷彿真的慘遭了槍擊事件。

「你做咩野呀？！痴咗缐呀？」

「你先痴咗缐！無啦啦落車就咁走咗去！我為咗追你！差D比車撞Q死！」

「無人叫你追我囉，你由尋晚就不停黎搵我！我知你咩意思！可憐我，同情我呀嘛！我知。。」

話語未畢，一團茄汁直射到我的臉上





「Shit！！你做咩野呀？！」

「我無同情你，而且我無興趣去了解你以前發生過咩事，但你身位一個大男人，竟然丟低一個女仔係的士到，自己一個人走咗去！」

「你。。。」

「仲要一個女仔渡過咁危險既馬路去追你！」

「我。。。」





「仲要一個女仔出埋的士錢！」

。。。。。。。

「你做咩唔出聲？！」

「的士幾錢？」

「咩呀！！我而家唔係同你講E D！你都唔明既！」

女人，女人真是心理變態，二十四個比利已經不足以形容女人的性格，至少要用上二百四十個比利，仲要N次方。明明王倪清和我見面的次數，還不足十根手指頭多，卻理所當然地認為我是她肚子的一條蟲。

「好。。好。。sorry。。sorry。。我錯。。我衰。。」





「比返50蚊的士錢我！」

我從銀包中抽出一張淺綠色的錢幣，王倪清迅速從我手中奪去，以雷不及掩的速度塞到口袋中。

「Ok！繼續出發去沙田！」

「你應該唔會叫我一齊去嘛？」

「你應該唔會以為唔會呀？」

「我成身茄汁點去呀！」

之後，王倪清安靜地盯著我，這種狀態的她更是可怕，感覺她又在計畫某一種陰謀。果然，她突然快步跑到面前，抓著我的上衣拚命地捽摷。

「Good！你睇下而家幾有藝術感！好似塗鴉咁！Yeah！Ya！」





無可否應，被王倪清用力地捽摷後，身上明顯看不出是番茄汁的污漬，現在更像是身中多刀，血流人亡的光景。

「Lets Go！型仔」